বৰখলা সমষ্টিৰ বিধায়কক দুৰ্ব্যৱহাৰ চিকিৎসকৰ

বৰখলাৰ প্ৰাথমিক স্বাস্থ্য কেন্দ্ৰৰ চিকিৎসক সুজিত সিঙৰ বিৰুদ্ধে ৰাইজে উত্থাপন কৰা অভিযোগৰ ভিত্তিত শনিবাৰে স্বাস্থ্য কেন্দ্ৰটোত উপস্থিত হয় বৰখলা সমষ্টিৰ বিধায়ক কিশোৰ নাথ ৷ কিন্তু চিকিৎসক গৰাকীয়ে দুৰ্ব্যৱহাৰ কৰে বিধায়ক গৰাকীৰ লগতে তেওঁৰ লগত যোৱা লোকসকলক ৷

বৰখলা, 28 মাৰ্চঃ শনিবাৰে কৰ'ণা ভাইৰাছক লৈ লোৱা ব্যৱস্থাৰ বুজ ল'বলৈ বৰখলা প্ৰাথমিক স্বাস্থ্য কেন্দ্ৰত উপস্থিত হয় বিধায়ক কিশোৰ নাথ ৷ এগৰাকী চিকিৎসকৰ বিৰুদ্ধে ৰাইজৰ অভিযোগ অনুসৰি,বিধায়ক গৰাকীয়ে স্বাস্থ্য কেন্দ্ৰটোৰ চিকিৎসক সুজিত সিঙৰ লগত কথা পাতিবলৈ যায় ৷ কিন্তু চিকিৎসক গৰাকী উত্তেজিত হৈ দুৰ্ব্যৱহাৰ কৰে বিধায়ক গৰাকীৰ লগতে তেওঁৰ লগত যোৱা লোকসকলক ৷ এটা সময়ত কাজিয়া বাঢ়ি গৈ প্ৰবল উত্তেজনাৰ সৃষ্টি হয় সেই স্থানত ৷ পৰৱৰ্তী সময়ত আৰক্ষীৰ লোক সেই স্থানত উপস্থিত হৈ পৰিস্থিতি নিয়ন্ত্ৰণলৈ আনে ৷

লগতে পঢ়কঃ চতিয়াত গেলামালৰ দোকান পৰিদৰ্শন বিধায়ক পদ্ম হাজৰিকাৰ