কাছাৰ, 6 আগষ্ট: শিশু অপহৰণ আৰু হত্যাক কেন্দ্ৰ কৰি উত্তপ্ত পৰিস্থিতিৰ সৃষ্টি হৈছে কাছাৰ জিলাৰ সোণাইত ৷ জিলাখনৰ সদৰ শিলচৰৰ কাজিডহৰত উদ্ধাৰ হৈছিল বিগত 4 আগষ্টত অপহৃত এটি 5 মহীয়া শিশুৰ মৃতদেহ ৷ অঞ্চলটোৰ পৰা কিছু দুৰত্বত থকা এখন দলঙৰ তলত গাঁত খান্দি পুতি থোৱা অৱস্থাত উদ্ধাৰ হৈছিল উক্ত শিশুটোৰ মৃতদেহ ৷ উক্ত শিশুটিৰ মৃতদেহ উদ্ধাৰ হোৱাৰ পাচতে অঞ্চলটোৰ পৰিস্থিতিৰ অৱনতি ঘটে ৷
অৱশেষত উদ্ধাৰ হোৱা শিশুটিৰ মৰণোত্তৰ পৰীক্ষা কৰি পৰিয়ালক চমজাই দিয়া হৈছে মৃতদেহ ৷ কাজিডহৰৰ দিব্যজ্যোতি নাথ নামৰ ব্যক্তিগৰাকীৰ ঘৰৰ খিৰিকী ভাঙি দুৰ্বৃত্তই অপহৰণ কৰিছিল 5 মহীয়া শিশুটি ৷ ইতিমধ্যে আৰক্ষীয়ে ঘটনাৰ লগত জড়িত 3 জনক আটক কৰিছে ৷ ইতিমধ্যে এই ঘটনা সন্দৰ্ভত তদন্ত কৰি দোষীৰ বিৰুদ্ধে কঠোৰ ব্যৱস্থা ল'বলৈ নিৰ্দেশ দিছে মুখ্যমন্ত্ৰীয়ে ৷
লগতে পঢ়ক : লোমহৰ্ষক শিশু অপহৰণ আৰু হত্যাক কেন্দ্ৰ কৰি উত্তপ্ত শিলচৰ
