বঙাইগাঁৱত ট্ৰেড ইউনিয়নৰ প্ৰতিবাদ

হাতে হাতে প্লে' কাৰ্ড লৈ "ৰে'ল বচাওক-দেশ বচাওক" ,"ৰে'ল খণ্ড ব্যক্তিগতকৰণ বন্ধ কৰক" আদি বিভিন্ন শ্ল'গান দিয়ে ৰে'ল বিভাগৰ কেইবাটাও সংগঠনৰ লগতে ট্ৰেড ইউনিয়নৰ নেতা কৰ্মীয়ে ৷

বঙাইগাঁও,10 আগষ্টঃ বঙাইগাঁৱত ট্ৰেড ইউনিয়ন সমূহৰ প্ৰতিবাদ । হাতে হাতে প্লে'কাৰ্ড লৈ "ৰে'ল বচাওক-দেশ বচাওক" শ্ল'গান, ৰে'ল খণ্ড ব্যক্তিগতকৰণ বন্ধ কৰক আদি বিভিন্ন শ্ল'গান দিয়ে ৰে'ল বিভাগৰ কেইবাটাও সংগঠনৰ লগতে ট্ৰেড ইউনিয়নৰ নেতা কৰ্মীয়ে ৷

দেশৰ সকলো ট্ৰেড ইউনিয়ন আৰু ফেডাৰেচনে সোমবাৰে আন আন স্থানৰ লগতে বঙাইগাঁও আৰু নিউবঙাইগাঁৱতো প্ৰতিবাদী কাৰ্যসূচী ৰূপায়ণ কৰে । ভাৰত ত্যাগ আন্দোলনৰ বিশেষ দিনটোত গ্ৰহণ কৰা এই প্ৰতিবাদ দিৱসত ৰে'ল বিভাগৰ কেইবাটাও সংগঠনৰ লগতে ট্ৰেড ইউনিয়নৰ নেতা কৰ্মীয়ে অংশ গ্ৰহণ কৰে । প্ৰতিবাদত অংশ লোৱা কৰ্মচাৰী সকলে মুখত মাস্ক পিন্ধি সামাজিক দূৰত্ব বজাই ৰাখি হাতে-হাতে প্লে'কাৰ্ড লৈ বিক্ষোভ প্ৰদৰ্শন কৰে ৷ এই প্ৰতিবাদী কাৰ্যসূচীত ৰে'লৱে এমপ্লয়েজ ইউনিয়ন, এন এফ ৰেলৱে মজদুৰ ইউনিয়ন, অল ইণ্ডিয়া ৰে'লৱে মেনচ ফেডাৰেচন, হিন্দু মজদুৰ সভা, ইণ্ডিয়ান নেচনেল ট্ৰেড ইউনিয়ন কংগ্ৰেছ, চেণ্টাৰ অফ ইণ্ডিয়ান ট্ৰেড ইউনিয়ন (চিটু), পূৰ্বাঞ্চলীয় ৰে'ল কৰ্মী পৰিষদ আদি সংগঠনৰ বিভিন্ন নেতা কৰ্মীয়ে অংশ গ্ৰহণ কৰে । লগতে পঢ়কঃজুবিন গাৰ্গক লৈ কোনো ৰাজনীতি হোৱা নাই : অতুল বৰা