বঙাইগাঁও, 12 অক্টোবৰ : দেওবাৰৰ নিশা বঙাইগাঁৱৰ কেইবা ঠাইত চিআইডি আৰু আৰক্ষীৰ অভিযান । অসম আৰক্ষীৰ উপ-পৰিদৰ্শক নিযুক্তিৰ প্ৰশ্ন পত্ৰৰ ঠিকা লাভ কৰা বঙাইগাঁৱৰ ব্যৱসায়ী তথা মন্ত্ৰী ফণীভূষন চৌধুৰীৰ ঘনিষ্ঠ অক্ষয় চান্দ বৈদৰ পুত্ৰৰ শহুৰেকৰ ব্যৱসায়িক প্ৰতিষ্ঠান বঙাইগাঁও মায়াপুৰীৰ শ্ৰীকাৰ্ণী ষ্টোৰত চিআইডি আৰু আৰক্ষীয়ে অভিযান চলায় ।
তাৰ পিচতে উত্তৰ বঙাইগাঁৱৰ এজন ব্যৱসায়ীৰ ঘৰতো মাজনিশা আৰক্ষীৰ অভিযান চলোৱাৰ তথ্য পোৱা গৈছে । একেদৰে, ইতিমধ্যে, গ্ৰেপ্তাৰ হোৱা ৰুবুল হাজৰিকাৰ পত্নীক সোধপোচৰ অন্তত যাবলৈ দিয়ে চিআইডিয়ে ।
আনহাতে, বৃহৎ পৰিমানৰ টকা উদ্ধাৰ হোৱা ৰে'ল কৰ্মচাৰী ৰূপম দাস আৰু তেওঁৰ শহুৰেক তৰণী বনিক্যক নিশাই গুৱাহাটীলৈ লৈ যায় চিআইডিৰ দলটোৱে । জানিব পৰা মতে, দুই এদিনতে ৰুবুল হাজৰিকাক বঙাইগাঁওলৈ আনি অভিযান চলাব চিআইডিয়ে ।
লগতে পঢ়ক : ৰাইজৰ দলৰ বিৰুদ্ধে বিস্ফোৰক মন্তব্য সত্যৰঞ্জন বৰাৰ
