অভয়াপুৰীত সংঘটিত ভয়াৱহ পথ দুৰ্ঘটনা:থিতাতে নিহত দুজন

শুকুৰবাৰে নিশা অভয়াপুৰীৰ কাকৈজানাত সংঘটিত হয় এক শোকাৱহ পথ দুৰ্ঘটনা৷ ৰৈ থকা এখন ডাম্পাৰৰ পিছফালে এখন মটৰ চাইকেলে প্ৰচণ্ডভাৱে খুন্দিওৱাৰ ফলত থিতাতে নিহত হয় দুই বাইক আৰোহী ৷

বঙাইগাঁও, 7 চেপ্তেম্বৰ: শুকুৰবাৰে নিশা অভয়াপুৰীৰ কাকৈজানাত সংঘটিত হয় এক শোকাৱহ পথ দুৰ্ঘটনা ৷ ৰৈ থকা এখন ডাম্পাৰৰ পিছফালে এখন মটৰ চাইকেলে প্ৰচণ্ড জোৰে খুন্দিওৱাৰ ফলত থিতাতে নিহত হয় দুই বাইক আৰোহী ৷ জানিব পৰা মতে, নিশা কাকৈজানাৰ ৩১ নং ৰাষ্ট্ৰীয় ৰাষ্ট্ৰীয় ঘাইপথত তুলুঙীয়া অভিমুখে AS-14C-0718 ডাম্পাৰ এখন ৰৈ থকা অৱস্থাত একে দিশে গৈ থকা AS-19L-1322 নম্বৰৰ মটৰ চাইকেল খনে প্ৰচণ্ড জোৰেৰে খুণ্ডা মাৰে ৷ ফলত মটৰ চাইকেলত আহি থকা থকা দুজন আৰহীয়ে মূৰত আঘাত পাই আৰু থিতাতে নিহত হয় ৷ নিহত লোক দুজন যোগীঘোপাৰ দ্বীপেন বৰ্মন আৰু বিষ্ণু বৰ্মন বুলি জানিব পৰা গৈছে ৷

পিছত স্থানীয় ৰাইজে আৰক্ষীক খবৰ দিয়াত ঘটনাস্থলীত আৰক্ষী উপস্থিত হৈ মৃতদেহ দুটা উদ্ধাৰ কৰি আৰক্ষী চকীলৈ প্ৰেৰণ কৰে ৷