চিৰাং,9 অক্টোবৰ : বঙাইগাঁও জিলাত বৃহস্পতিবাৰে মাজনিশা আটক হৈছে চাৰি গৰাকী আৰক্ষী জোৱান ৷ জিলাখনৰ গেৰুকাবাৰী আৰক্ষী চকীৰ ভাৰপ্ৰাপ্ত বিষয়া (উপ পৰিদৰ্শক) প্ৰীতম দাস,কনিষ্টবল জমিৰ আলী আৰু গৃহৰক্ষী জোৱান ছাহাবুদ্দিনক আটক কৰা হয় ৷
উল্লেখ্য যে,30 চেপ্টেম্বৰত বৰপেটাৰ পৰা বঙাইগাঁৱলৈ এখন বাহনেৰে গৈ থকা চাৰিটা এটিএম হেকাৰক আটক কৰি অৱশেষত ধনৰ বিনিময়ত হেকাৰকেইটাক মুকলি কৰি দিছিল ভাৰপ্ৰাপ্ত বিষয়া আৰক্ষী উপ পৰিদৰ্শক প্ৰীতম দাসে । তেওঁৰ সৈতে সহযোগী হিচাপে আছিল কনিষ্টবল জমিৰ আলী আৰু গৃহৰক্ষী জোৱান ছাহাবুদ্দিন । ঘটনা সন্দৰ্ভত অভিযোগ পোৱাৰ পাচতে বিষয়টোক লৈ আৰক্ষীয়ে আৰম্ভ কৰিছিল তদন্ত । তদন্তৰ ভিত্তিত তিনিওজন আৰক্ষীকে গ্ৰেপ্তাৰ কৰি শুকুৰবাৰে দুপৰীয়া আদালতত হাজিৰ কৰোৱা হয় ৷
তিনিওজন অভিযুক্ত আৰক্ষীৰ বিৰুদ্ধে বঙাইগাঁৱৰ মাণিকপুৰ থানাত 390/2020 নং গোচৰ ৰুজু কৰা বুলি বঙাইগাঁও জিলা সদৰ অতিৰিক্ত আৰক্ষী অধীক্ষক পংকজ কাকতিয়ে সংবাদ মাধ্যমযোগে সদৰি কৰে ৷
লগতে পঢ়ক: সুৰাপান কৰি অত্যাচাৰ চলোৱাৰ বাবেই নিজ পুত্ৰই হত্যা কৰিলে পিতৃক
