বঙাইগাঁও, 28 মাৰ্চ : পেট্ৰ'ল, ডিজেল, ৰন্ধন গেছকে ধৰি ইন্ধনজাত সামগ্ৰীৰ আকাশলংঘী মূল্যবৃদ্ধিৰ বিৰুদ্ধে দেওবাৰে বঙাইগাঁও জিলা NSUIয়ে অভয়াপুৰীত প্ৰতিবাদী কাৰ্যসূচী ৰূপায়ন কৰে (Protest against fuel price hike)। NSUI ৰ বঙাইগাঁও জিলাৰ নৱনিৰ্বাচিত সভাপতি হজৰত আলীৰ নেতৃত্বত একাংশ সদস্যই কান্ধত গেছ চিলিণ্ডাৰলৈ এই প্ৰতিবাদী কাৰ্যসূচী ৰূপায়ন কৰে ।
হজৰত আলীৰ নেতৃত্বত NSUI ৰ বিষয়ববীয়া আৰু সদস্যসকলে কান্ধত গেছৰ চিলিণ্ডাৰলৈ আৰু বাইক ঠেলি ঠেলি অভয়াপুৰী টেম্পো ষ্টেচনৰ পৰা ৰাজীৱ ভৱনলৈ খোজকাঢ়ি গৈ এই প্ৰতিবাদী কাৰ্যসূচী ৰূপায়ণ কৰে । প্ৰতিবাদকাৰীসকলে মূল্যবৃদ্ধি ৰোধ কৰক, বিজেপি গ'বেক, বিজেপিৰ কাম নাই আদি বিভিন্ন চৰকাৰ বিৰোধী শ্ল’গানেৰে চৌদিশৰ পৰিবেশ উত্তাল কৰি তোলে ৷
প্ৰতিবাদকাৰীসকলে ইন্ধনৰ দামৰ সৈতে নিত্য ব্যৱহার্য সামগ্ৰীৰ সম্পর্ক থকা বাবে ইয়াৰ দাম বৃদ্ধি হোৱাৰ সমান্তৰালভাৱে সকলো নিত্য ব্যৱহার্য সামগ্ৰীৰ মূল্যবৃদ্ধি কৰাৰ আশংকা কৰি চৰকাৰক শীঘ্ৰে ব্যৱস্থা গ্ৰহণৰ আহ্বান জনায় ৷ প্ৰতিবাদকাৰীসকলে কেন্দ্ৰ আৰু ৰাজ্য চৰকাৰক শীঘ্ৰে পেট্ৰ'ল, ডিজেল আৰু ৰন্ধনজাত সামগ্ৰীৰ মূল্য নিয়ন্ত্ৰণ নকৰিলে ৰাজ্যজুৰি ইয়াৰ বিৰুদ্ধে তীব্ৰ গণতান্ত্ৰিক আন্দোলন গঢ়ি তোলাৰ হুংকাৰ দিয়ে ৷
লগতে পঢ়ক : TET qualified candidates protest: টেট উত্তীৰ্ণ প্ৰাৰ্থীৰ প্ৰতিবাদত কঁপিল BTR
