নাগৰিকত্ব সংশোধনী বিধেয়কৰ বিৰুদ্ধে পুনৰ সৰৱ কৃষক মুক্তি সংগ্ৰাম সমিতি

জনসাধাৰণৰ মাজলৈ গৈ জনসাধাৰণক নাগৰিকত্ব সংশোধনী বিধেয়কৰ বিৰুদ্ধে ওলাই আহিবলৈ আহ্বান জনালে কৃষক মুক্তি সংগ্ৰাম সমিতিয়ে ৷ হাট-বজাৰত জনসাধাৰণৰ মাজত প্ৰচাৰ পত্ৰিকা বিতৰণ সংগঠনটোৰ সদস্যসকলৰ ৷

বঙাইগাঁও , 19 নৱেম্বৰঃ আৰম্ভ হ'ল লোকসভাৰ শীতকালীন অধিবেশন ৷ ইতিমধ্যে শীতকালীন অধিবেশনতে নাগৰিকত্ব সংশোধনী বিধেয়ক গৃহীত কৰাৰ সিদ্ধান্ত গ্ৰহণ কৰিছে বিজেপি চৰকাৰে ৷ নাগৰিকত্ব সংশোধনী বিধেয়কৰ বিৰুদ্ধে পুনৰ সৰৱ হৈছে কৃষক মুক্তি সংগ্ৰাম সমিতি ৷

জনসাধাৰণৰ মাজলৈ গৈ নাগৰিকত্ব সংশোধনী বিধেয়কৰ বিৰুদ্ধে জনসাধাৰণক সজাগ কৰিবলৈ মঙলবাৰে বঙাইগাঁও জিলাত প্ৰচাৰ পত্ৰিকা বিতৰণ কৰিলে কৃষক মুক্তি সংগ্ৰাম সমিতিয়ে ৷ সংগঠনটোৰ সদস্যসকলে হাট-বজাৰ আদি ৰাজহুৱা স্থানলৈ গৈ বিধেয়কখনৰ বিৰোধিতাৰে ৰাইজক ওলাই অহাৰ বাবে আহ্বান জনোৱাৰ লগতে প্ৰত্যেকজন ব্যক্তিক প্ৰচাৰ পত্ৰিকা বিতৰণ কৰে ৷

লগতে পঢ়কঃ বীজৰ ক্ষেত্ৰত একাধিপত্য বন্ধ হওক