বঙাইগাঁও, 17 ছেপ্টেম্বৰ: ৰাজ্যত অব্যাহত আছে ড্ৰাগছ, চুলাই মদৰ লগতে বিভিন্ন নিচাজাতীয় সামগ্ৰীৰ বিৰুদ্ধে অভিযান ৷ তাৰ মাজতেই মুকলিকৈ বঙাইগাঁও জিলাৰ কীৰ্ত্তনপাৰা, মাণিকপুৰ চিৎকীবাৰী আৰু বৰপেটা জিলাৰ চান্দামাৰীতো চুলাই মদৰ বেহা অব্যাহত আছে (Illegal Liqure supply in Bongaigaon) ।
ঘটনা অনুসৰি, শনিবাৰে কাচদহাৰ পৰা কীৰ্ত্তনপাৰালৈ ই-ৰিক্সাৰে দুগৰাকী মহিলাই চুলাই মদ লৈ যোৱাৰ সময়তে পথত স্থানীয় ৰাইজে মহিলা দুগৰাকীক আবদ্ধ কৰি সোধ পোছ কৰে । অৱশ্যে ঘটনাস্থলীত ৰাইজৰ সমাগম হ’ব ধৰাত মহিলা দুগৰাকীয়ে বেগ ভৰ্তি মদ লৈ ই-ৰিক্সাৰ পৰা নামি পলায়ন কৰে ৷
স্থানীয় ৰাইজৰ অভিযোগ মতে প্ৰতিদিনে চিৰাং জিলাৰ কাচদহা, বঙাইগাঁও জিলাৰ চিৎকীবাৰী আৰু বৰপেটা জিলাৰ চান্দামাৰীৰ পৰা মহিলা ব্যৱসায়ীসকলে জিলাখনৰ বিভিন্ন অঞ্চলত চুলাই মদৰ যোগান ধৰে । ফলত ক্ষোভিত হৈ স্থানীয় লোকসকলে অবৈধ চুলাই বিক্ৰেতা সকলক নাকি লগাবলৈ আবকাৰী বিভাগক আহ্বান জনাইছে ৷
লগতে পঢ়ক: মুকলি আকাশৰ তললৈ ভিক্টৰ দাস
