দৰিদ্ৰতাই অভিশাপঃ পুত্ৰক হত্যা কৰি পিতৃৰ আত্মহত্যা

দৰিদ্ৰতাৰ কৰুণ পৰিণতি ৷ বঙাইগাঁৱৰ বইটামাৰী আৰক্ষী চকীৰ অন্তৰ্গত বাজিপাৰাত মঙলবাৰে সন্ধিয়া পুত্ৰক হত্যা কৰি পিতৃয়ে আত্মহত্যা কৰা ঘটনাই জোকাৰিছে অঞ্চলটো ৷

বঙাইগাঁও,27মাৰ্চ: দৰিদ্ৰতাৰ কি কৰুণ পৰিহাস! দৰিদ্ৰতাৰ বোজা সহিব নোৱাৰি কণমানি পুত্ৰক হত্যা কৰি পিতৃয়ে গ্ৰহণ কৰিলে আত্মহত্যাৰ পথ ৷ এই ঘটনা বঙাইগাঁৱৰ বইটামাৰীৰ বাজিপাৰাৰ ৷

জানিব পৰামতেবাজিপাৰাত হৈ থকা দৌলমেলাত শেষবাৰৰ বাবে মিঠাই খোৱাই আনি কালি সন্ধিয়া ঘৰত কোনো নথকা সুযোগত পিতৃ হৰিদেৱ অধিকাৰীয়ে (৩৫) প্ৰথমে পাঁচ বছৰীয়া পুত্ৰ নীলকমল অধিকাৰীক চিপ লগাই হত্যা কৰে আৰু পাচত নিজেও চিপ লৈ আত্মহত্যা কৰে। পিতা-পুত্ৰৰ এই মৰ্মান্তিক ঘটনাই সমগ্ৰ অঞ্চলটোত শোকৰ ছাঁ পেলাইছে।

দিন হাজিৰা কৰা হৰিদেৱ অধিকাৰীয়ে দীৰ্ঘদিন ধৰি যক্ষ্মা ৰোগত আক্ৰান্ত হৈ থকাৰ বাবে দৰিদ্ৰতাৰ বোজা ল'ব নোৱাৰি এই ঘটনা সংঘটিত কৰিছে বুলি সন্দেহ কৰিছে স্থানীয় ৰাইজে। পাচত বুধবাৰে দিনত অভয়াপুৰী আৰক্ষীয়ে মৃতদেহ দুটা মৰণোত্তৰ পৰীক্ষাৰ বাবে বঙাইগাঁও অসামৰিক চিকিৎসালয়লৈ প্ৰেৰণ কৰে।