অভয়াপুৰী, 17 নৱেম্বৰ : বঙাইগাঁও জিলাত পুনৰ আটক হৈছে ড্ৰাগছ সৰবৰাহকাৰী ৷ জিলাখনৰ 1 নং নাচনগুৰীত অভিযান চলাই ড্ৰাগছসহ এটা সৰবৰাহকাৰীক আটক কৰে আৰক্ষীয়ে ৷ গেৰুকাবাৰী তহলদাৰী আৰক্ষী চকীৰ আৰক্ষীয়ে এক গোপন সূত্ৰৰ ভিত্তিত অভিযান চলাই 36 টা ড্ৰাগছ ভৰ্তি কণ্টেইনাৰ, 4500 টকা, দুটা ম’বাইল ফোন আৰু AS-19-P-6074 নম্বৰৰ এখন মটৰ চাইকেল জব্দ কৰে ৷
ধৃত সৰবৰাহকাৰীটো বঙাইগাঁও জিলাৰ মাণিকপুৰ আৰক্ষী থানাৰ অন্তৰ্গত পাতিলাদহাৰ কাউবাদিৰ বাসিন্দা হাবেজ আলী (28) বুলি জানিব পৰা গৈছে ৷ সৰবৰাহকাৰীটোক আটক কৰি ইতিমধ্যে সোধ-পোচ অব্যাহত ৰাখিছে আৰক্ষীয়ে ৷
ৰাজ্যৰ বিভিন্ন প্ৰন্তত প্ৰতিদিনে আৰক্ষীৰ অভিযানত জব্দ হৈছে বিভিন্ন নিচাজাতীয় সামগ্ৰী ৷ আৰক্ষীয়ে কঠোৰ ড্ৰাগছ বিৰোধী অভিযান অব্যাহত ৰখাৰ পাচতো ভয় নাই ড্ৰাগছ সৰবৰাহকাৰীৰ ৷ প্ৰতিদিনে জিলাই জিলাই বৃহৎ পৰিমাণৰ ড্ৰাগছৰ লগতে সৰবৰাহকাৰীক আটক কৰি আছে আৰক্ষীয়ে ৷
লগতে পঢ়ক : Drugs Seized :বোকাজানত প্ৰায় 12 কোটি টকাৰ হেৰ’ইন জব্দ
