বঙাইগাঁও, 29 ডিচেম্বৰ: বঙাইগাঁও জিলাৰ নাম্বাৰপাৰাত দেওবাৰে পুৱাৰে পৰা দেখা গ'ল মানুহৰ সমাগম ৷ কাৰণ বাবা ওলাইছে ৷ শ্বেখ আজাদ হুছেইন নামৰ এজন ব্যক্তি ওৰফে বস্তাবাবাই প্ৰায় 1500 লোকক জৰাফুকাৰ জৰিয়তে প্ৰদান কৰিছে চিকিৎসা ৷ পানীৰ পৰা, তেল, মধু, কলগছৰ লগতে নেমু টেঙা পৰ্যন্ত জাৰি দিয়ে বস্তা বাবাই। আনহাতে বাবাৰ পৰা জৰাফুকা ল'বলৈ হেতা ওপৰা লগাইছে শ শ জনে ।
মূৰৰ বিষ, চাইনিজ, পেটত পাথৰ হোৱা, গেষ্ট্ৰিক, সন্তান নোহোৱা আদি বিভিন্ন বেমাৰৰ উপশম আছে বাবাৰ হাতত। চিকিৎসাৰ পিচত ৰাইজে দিয়া বৰঙণি দৰিদ্ৰৰ মাজত ভগাই দিয়া এইগৰাকী বস্তা বাবাৰ পদূলিলৈ এতিয়া সোঁত বৈছে শ শ ৰাইজৰ ৷ মুঠতে বিজ্ঞানে মংগল গ্ৰহত খোজ দিয়াৰ সময়তে অন্ধ বিশ্বাসৰ কৰাল গ্ৰাসত পৰিছে একাংশ ৰাইজ ৷
বস্তা বাবাৰ প্ৰভাৱ
লগতে পঢ়ক: কমতাপুৰ স্বায়ত্ব শাসিত পৰিষদ নামাকৰণৰ বিৰোধিতা নাথ যোগী ছাত্ৰ সন্থাৰ
