অখিল গগৈৰ মুক্তিৰ দাবীত বঙাইগাঁৱত কৃষক মুক্তিৰ প্ৰতিবাদ

বঙাইগাঁৱত সাপ্তাহিক লক ডাউনৰ মাজতে অখিল গগৈ সহ অন্যান্য নেতাৰ মুক্তিৰ দাবীত কৃষক মুক্তিৰ মানৱ শৃংখলেৰে প্ৰতিবাদী কাৰ্যসূচী । কৃষক মুক্তিৰ বঙাইগাঁও জিলা সভাপতি, সম্পাদককে ধৰি 30 প্ৰতিবাদীক গ্ৰেপ্তাৰ ৷

বঙাইগাঁও,12জুলাইঃ কৃষক নেতা অখিল গগৈকে ধৰি আন তিনি নেতাক মুক্তিৰ দাবীত দেওবাৰে বঙাইগাঁৱত কৃষক মুক্তি সংগ্ৰাম সমিতিয়ে মানৱ শৃংখলেৰে এক প্ৰতিবাদী কাৰ্যসূচী ৰূপায়ণ কৰে ৷

সাপ্তাহিক লক ডাউনৰ মাজতে এই কাৰ্যসূচী ৰূপায়ন কৰে । কৃষক মুক্তিৰ কুৰিৰো অধিক কৰ্মীয়ে সদৰ চহৰখনৰ বৰপাৰাত এই কাৰ্যসূচী ৰূপায়ণ কৰে ৷ ইপিনে আৰক্ষীয়ে কৃষক মুক্তিৰ জিলা সভাপতি মহীধৰ ৰায় আৰু সাধাৰন সম্পাদক নন্দন দেব নাথকে ধৰি 30 প্ৰতিবাদীক গ্ৰেপ্তাৰ কৰে ৷ প্ৰতিবাদী কাৰ্যসূচীত অসম প্ৰেমী যুৱ সমাজেও অংশগ্ৰহণ কৰে ৷

অখিল গগৈৰ মুক্তিৰ দাবীত বঙাইগাঁৱত কৃষক মুক্তিৰ প্ৰতিবাদ

ইপিনে দীৰ্ঘদিনৰ পৰা কৃষক নেতা অখিল গগৈক গ্ৰেপ্তাৰ কৰি জেলত ৰখা আৰু জামিনৰ পিছতো এটাৰ পিছত আনটো গোছৰ জাপি দিয়াৰ প্ৰতিবাদ জনাই অতি শ্ৰীঘ্ৰে মুক্তি কৰি দিবলৈ দাবি জনাই সংগঠন কেইটাই । লগতে পঢ়কঃ নলবাৰীত আছুয়ে উভতি ধৰিলে জয়ন্ত মল্ল বৰুৱাক