বঙাইগাঁও,৬জুনঃ বিশ্ব পৰিৱেশ দিৱস উপলক্ষে বঙাইগাঁও জিলা প্ৰশাসনৰ ব্যতিক্ৰমী পদক্ষেপ । গছপুলি ৰোপণৰ বাবে নৱপ্ৰজন্মক আকৰ্ষিত কৰাৰ চেষ্টা জিলা প্ৰশাসনৰ। গছপুলি ৰোপণ কৰি বাঁহ বা বেতৰ খাছাৰে মেৰিয়াই দিয়াৰ আহ্বান উপায়ুক্তগৰাকীৰ । খাছাটোৰ ওপৰত এখন কাগজত নিজৰ নাম লিখি ছেলফি উঠি ফেচবুকত আপলোড কৰি জিলা প্ৰশাসনৰ পেজত টেগ কৰাৰ আহ্বান । এইদৰে ফটো আপলোড কৰাসকলক দিয়া হ’ব উপায়ুক্তৰ ফালৰ পৰা প্ৰশংসা পত্ৰ । অহা ১০ দিনলৈ চলিব এই প্ৰক্ৰিয়া । এই সময়ছোৱাত বঙাইগাঁও জিলাত প্ৰায় ১ লাখ গছপুলি ৰোপণৰ লক্ষ্য বঙাইগাঁও জিলা প্ৰশাসনৰ।
বঙাইগাও জিলা প্ৰশাসনৰ আদৰণীয় পদক্ষেপ
