বঙাইগাঁৱত বাইকাৰ্ছৰ ৰূপত জনপ্ৰিয় অভিনেত্ৰী অমৃতা গগৈ

বঙাইগাঁৱত প্ৰতিঘাত চিনেমাৰ প্ৰচাৰ চলাবলৈ আহি ৰাজপথত বুলেট চলালে অভিনেত্ৰী অমৃতাই ৷ অহা ৬ ডিচেম্বৰত মুক্তিপাবলগীয়া “প্ৰতিঘাত” ছবিখনৰ প্ৰচাৰ চলাবৰ বাবে বঙাইগাওঁত উপস্থিত হয় অমৃতা গগৈৰ লগতে প্ৰতিঘাতৰ কলা-কুশলী ৷

বঙাইগাওঁ, 29 নৱেম্বৰঃ শুকুৰবাৰে বঙাইগাঁৱত এক অনন্য ৰূপত দেখা গ'ল জনপ্ৰিয় অভিনেত্ৰী অমৃতা গগৈক ৷ বঙাইগাঁৱত প্ৰতিঘাত চিনেমাৰ প্ৰচাৰ চলাবলৈ আহি ৰাজপথত বুলেট চলালে অভিনেত্ৰী অমৃতাই ৷ অহা ৬ ডিচেম্বৰত মুক্তি পাবলগীয়া “প্ৰতিঘাত” ছবিখনৰ প্ৰচাৰ চলাবৰ বাবে বঙাইগাওঁত উপস্থিত হয় অমৃতা গগৈৰ লগতে প্ৰতিঘাতৰ কলা-কুশলী ৷ অমৃতাৰ লগতে অভিনেতা পদ্মৰাগ গোস্বামী,অভিনেত্ৰী জ্বলী লস্কৰ,গায়ক দিক্ষুয়ে অংশ লয় এই প্ৰচাৰ অভিযানত ৷

সকলোকে ছবিখন চাবৰ বাবে অনুৰোধ কৰাৰ লগতে ছবিখনত দৰ্শকে নতুনত্ব পাব বুলি জনায় অভিনেত্ৰীগৰাকীয়ে ৷ আনহাতে কণ্ঠশিল্পী দিক্ষুৱে অসমীয়া ছবিজগতলৈ সুদিন ঘূৰি অহাত সুখী অনুভৱ কৰাৰ লগতে অসমৰ বিভিন্ন ঠাইত ছবিগৃহৰ অভাৱ অনুভৱ কৰি চৰকাৰক ছবিগৃহ নিৰ্মাণৰ বাবে অনুৰোধ জনায় ৷ ইপিনে বঙাইগাঁও জিলাৰ বিভিন্ন বাইকাৰ্ছ ক্লাৱৰ সহযোগত ছবিখনৰ প্ৰচাৰৰ বাবে উলিওৱা হয় এক বিশাল বাইক ৰেলী ৷ এই বাইক ৰেলীতে অমৃতা গগৈয়ে বুলেট চলোৱা দৃশ্যই দৃষ্টি আকৰ্ষণ কৰে সকলোৰে ৷

লগতে পঢ়কঃবিগত তিনিটা বছৰে শুই আছিল নেকি অসম চৰকাৰ?