বিশ্বনাথ, ৬জুলাই: এই উদ্দেশ্যৰেই সোমবাৰে বিশ্বনাথৰ বুহিগাঙৰ পথাৰত কঠিয়া তলিত নামিল অসম চৰকাৰৰ হস্ততাঁত বস্ত্ৰশিল্প আৰু ৰেচম মন্ত্ৰী ৰঞ্জিত দত্ত । বানাক্ৰান্ত কৃষকক কঠিয়া যোগান ধৰাৰ উদ্দেশ্যে ৰাজ্যৰ কৃষি বিভাগে জিলাখনত ৫০ হেক্টৰ মাটিত কঠিয়াৰ বীজ সিচাৰ সিদ্ধান্ত লৈছে । ইয়াৰে অংশ হিচাবে সোমবাৰে ২০ বিঘা ভূমিত সিচিব লগা কঠিয়াৰ বীজ দলিয়াই এই কাৰ্যৰ শুভাৰম্ভ কৰে মন্ত্ৰী ৰঞ্জিত দত্তই ।
উল্লেখ্য যে, জিলাখনত বান বিধস্ত অঞ্চলসমূহত ক্ষতিগ্ৰস্ত খেতিয়ক সকলক কঠিয়া যোগানেৰে সকাহ দিয়াৰ লক্ষ্যৰে জিলাখনৰ ৫০০হেক্টৰ ভূমিত ৰোব পৰা কঠিয়াৰ বিপৰীতে ৫০ হেক্টৰ ভূমিত উন্নত জাতৰ ধানৰ বীজ সিচাৰ সিদ্ধান্ত গ্ৰহণ কৰিছিল । ইয়াৰে ২০ বিঘাৰ কঠিয়া তলিত সোমবাৰে ৰঞ্জিত ধানৰ বীজ সিচিলে বিশ্বনাথ জিলাৰ কৃষি বিভাগে । সোমবাৰৰ এই কঠিয়াৰ বীজ সিচা কাৰ্যসূচীত মন্ত্ৰীগৰাকীৰ ওপৰিও জিলা উপায়ুক্তৰ লগতে বহুকেইগৰাকী কৃষি বিষয়া উপস্থিত থাকে ।
