বিশ্বনাথ, 15 জুলাই: অখিল গগৈৰ লগতে তেওঁৰ সতীৰ্থ সকলক মুক্তিৰ দাবীৰে বুধবাৰে কেইবাটাও দল সংগঠৰ লোকে প্ৰতিবাদ সাব্যস্ত কৰে গহপুৰত । সদৌ অসম অনুসুচীত জাতি ছাত্ৰ সন্থাৰ উদ্যোগত ৰূপায়ণ কৰা এই প্ৰতিবাদী কাৰ্যসূচীত অংশগ্ৰহণ কৰে,গহপুৰৰ আটছা,আছা,অসম জাতীয়তাবাদী যুৱ ছাত্ৰ পৰিষদকে ধৰি মানৱ অধিকাৰ সংগ্ৰাম সমিতি আদি কেইবাটাও দল সংগঠনে । যিহেতু অখিল গগৈসহ তেওঁৰ সতীৰ্থ সকলক সুস্থ অৱস্থাত গ্ৰেপ্তাৰ কৰিছে ঠিক তেনেদৰে সুস্থ অৱস্থাত তেওঁলোকক বিনা স্বৰ্তে মুকলি কৰি দিবলৈ দাবী জনাইছে প্ৰতিবাদকাৰী সকলে ।
কৃষক নেতা কেইগৰাকীক গ্ৰেপ্তাৰ কৰি চৰকাৰে হিটলাৰী শাসন কৰিছে বুলি মন্তব্য কৰে প্ৰতিবাদকাৰী সকলে । লগতে চৰকাৰক জনতাৰ কণ্ঠ শুনাবলৈ চেষ্টা কৰক বুলি সকীয়নি প্ৰদান কৰি,আগন্তুক নিৰ্বাচনত ইয়াৰ প্ৰত্যুত্তৰ দিয়া হ'ব বুলি হুংকাৰ প্ৰদান কৰে প্ৰতিবাদকাৰী সকলে । জনতাৰ বিপক্ষে গৈ এইখন চৰকাৰে কাম কৰিছে মহামাৰীৰ সময়তো । লক ডাউনৰ সুযোগ লৈ চৰকাৰে জনতাৰ বিৰুদ্ধে ৰাজনীতি কৰি গৈছে । এনে ভিন্ন অভিযোগ উত্থাপন কৰি প্ৰতিবাদকাৰী সকলে,জনতাক শোষণ কৰাৰ পৰিৱৰ্তে জনতাৰ কণ্ঠ শুনি জনতাৰ হৈ কাম কৰিবলৈ চেষ্টা কৰক বুলি সকীয়নি প্ৰদান কৰে চৰকাৰক ।
লগতে পঢ়ক: বানাক্ৰান্তৰ মাজত আছুৰ সাহাৰ্য বিতৰণ
