চতিয়া, ২৮ আগষ্ট: গহপুৰ পুৰুপবাৰীত দেওবাৰে অসম চৰকাৰৰ তৃতীয় বৰ্গৰ নিযুক্তি পৰীক্ষাৰ দায়িত্ব সমাপন কৰিবলৈ আহি এক পথ দুৰ্ঘটনাত অকাল মৃত্যুক আঁকোৱালি লয় ABSI লক্ষীৰাম সোণোৱালে(Police personals dead in Road accident at Gohpur) ৷ জামুগুৰিহাটৰ কুসুমটোলাস্থিত দ্বাদশ অসম আৰক্ষী বাহিনীৰ ABSI লক্ষীৰাম সোণোৱালৰ মৃতদেহ বিয়লি বাহিনীটোৰ মূখ্য কাৰ্যালয়লৈ লৈ অনা হয় ৷
দ্বাদশ অসম আৰক্ষী বাহিনীৰ বিষয়া-জোৱানসকলে ABSI লক্ষীৰাম সোণোৱালক সম্পূৰ্ণ সামৰিক মৰ্যাদাৰে শেষ বিদায় জনায় । উল্লেখ্য যে, আজি ৰাজ্যজুৰি অনুষ্ঠিত হোৱা অসম চৰকাৰৰ তৃতীয় বৰ্গৰ নিযুক্তি পৰীক্ষাত পৰীক্ষাৰ্থী কঢ়িয়াই লৈ গৈছিল AS 07 C 7721 আলট্ৰা বাছখনে(Assam recruitment exam 2022) ৷ ইফালে পৰীক্ষা কেন্দ্ৰৰ কৰ্তব্যৰ বাবে আহি আছিল AS12 AB 8358 নম্বৰৰ আৰক্ষীৰ বলেৰ’ বাহনখন ৷
গহপুৰ পুৰুপবাৰীত পুৱা আলট্ৰা বাছ আৰু আৰক্ষীৰ বলেৰ’ বাহনৰ মাজত মুখামুখি সংঘৰ্ষ হয়(Road accident at Gohpur) ৷ এই দুৰ্ঘটনাত 5 গৰাকীকৈ আৰক্ষীৰ লোক গুৰুতৰভাৱে আহত হয় ৷ তেওঁলোকক ততালিকে স্থানীয় চিকিৎসালয়লৈ প্ৰেৰণ কৰা হয় যদিও চিকিৎসালয়তে তেওঁৰ মৃত্যু হয় ৷
লগতে পঢ়ক : গহপুৰৰ পথ দুৰ্ঘটনাত গুৰুতৰভাৱে আহত ৫ জন আৰক্ষী জোৱান
