চতিয়া, ২২ জুন : শোণিতপুৰ জিলাৰ জামুগুৰিহাটত মঙলবাৰে অভিভাৱক মন্ত্ৰী পিযুষ হাজৰিকা উপস্থিত হয় ৷ মন্ত্ৰীগৰাকীয়ে বাপুজি ভৱনত ভেকচিন চেন্টাৰ পৰিদৰ্শন কৰি চকীঘাটত উপস্থিত হয় ৷ চকীঘাটত জীয়া ভৰলী নদীৰ ওপৰত নিৰ্মাণ কাৰ্য চলি থকা চকীঘাট দলঙৰ লগতে গৰাখহনীয়া প্ৰতিৰোধৰ বাবেও নিৰ্মাণ কাৰ্য চলি থকা গাইড বান্ধৰ কাম পৰিদৰ্শন কৰে ৷
মন্ত্ৰীজনে চাৰিলেনযুক্ত ৰাষ্ট্ৰীয় ঘাইপথৰ কাষত জীয়া ভৰলী নদীৰ ওপৰত জি'অ টিউবৰ সলনি নতুন কাৰিকৰী পদ্ধতিৰে নিৰ্মাণ কাৰ্য চলি থকা গাইড বান্ধৰ কামো পৰিদৰ্শন কৰে ৷ ৰাজ্যৰ জলসম্পদ মন্ত্ৰীগৰাকীয়ে এই পদ্ধতিৰ সহায়ত গৰাখহনীয়া ৰোধৰ ক্ষেত্ৰত সফল হ'ব পৰা যাব বুলি মন্তব্য কৰে ৷ জলসম্পদ মন্ত্ৰী পিযুষ হাজৰিকাৰ লগত উপস্থিত থাকে চতিয়া সমষ্টিৰ বিধায়ক পদ্ম হাজৰিকা ৷
বিধায়ক পদ্ম হাজৰিকাই মন্ত্ৰীগৰাকীৰ এই পৰিদৰ্শনে চকীঘাটৰ থলুৱা যুৱকসকলক যথেষ্ট উৎসাহিত কৰাৰ লগতে চকীঘাট সৰ্বাংগসুন্দৰ হোৱাৰ দিশত ই এক আশাব্যঞ্জক খবৰ বুলিও মন্তব্য কৰে ৷
লগতে পঢ়ক : কিমিনক অসমৰ অংশ হিচাপে দেখুওৱাক লৈ অৰুনাচল প্ৰদেশত ব্যাপক প্ৰতিক্ৰিয়া
