বিশ্বনাথ, ১০ জানুৱাৰী : বিশ্বনাথ জিলাত অব্যাহত আছে বনৰীয়া হাতীৰ তাণ্ডৱ (Wild elephant terror in Biswanath) । সোমবাৰে বিশ্বনাথৰ বিহালীৰ মোনাবাৰীৰ চাধুসূঁতিত পুৱতি নিশা এটা বনৰীয়া হাতীয়ে চলায় উপদ্ৰৱ ৷ হাতীটোৱে পুৱতি নিশা তিনিটাকৈ ঘৰ আৰু এখন দোকান ভাঙি লণ্ড-ভণ্ড কৰে ৷
বিশ্বনাথৰ বিহালীত বনৰীয়া হাতীৰ তাণ্ডৱ
উল্লেখযোগ্য যে, মোনাবাৰীকে ধৰি জিলাখনৰ বিভিন্ন স্থানত দীৰ্ঘদিন ধৰি হাতীৰ জাকৰ পৰা ওলাই অহা এটা হাতীয়ে অঞ্চলটোত চলাই আহিছিল উপদ্ৰৱ ৷ এইক্ষেত্ৰত বিশ্বনাথৰ পূৱ শোণিতপুৰ বন সংমণ্ডলক বহুবাৰ অৱগত কৰাৰ পাছতো আজি পৰ্যন্ত কোনো ধৰণৰ পদক্ষেপ লোৱা দেখা নগ'ল ৷
ফলত অঞ্চলটোৰ ৰাইজৰ মাজত হাহাকাৰ পৰিস্থিতি সৃষ্টি হোৱা দেখা গৈছে ৷ ক্ষতিগ্ৰস্ত লোকসকলক ক্ষতিপূৰণ দিবলৈ চৰকাৰক অনুৰোধ জনাইছে ৰাইজে ।
লগতে পঢ়ক: Draught situation at Bogibeel : পানীৰ অভাৱত হাহাকাৰ ডিব্ৰুগড়ৰ বগীবিল অঞ্চলৰ কৃষকৰ
