বিশ্বনাথ, ২৫ ফেব্ৰুৱাৰী: বিশ্বনাথৰ ঐতিহ্যমণ্ডিত গুপ্তকাশীৰ ২৭ খন দেৱালয়ৰ অন্যতম দেৱালয় শ্ৰী শ্ৰী বাণেশ্বৰ দেৱালয় উন্নীতকৰণ কৰি সংৰক্ষণৰ বাবে বিশেষ পদক্ষেপ গ্ৰহণ কৰিছে গ্ৰীণ আছিয়ানা ৱেলফেয়াৰ ছ'চাইটিয়ে । আহোম যুগৰ ইতিহাসৰ সাক্ষ্য বহন কৰি থকা শ্ৰী শ্ৰী বাণেশ্বৰ দেৱালয় বছৰ বছৰ ধৰি জৰাজীৰ্ণ অৱস্থাতে আছে । ৰাজ্য চৰকাৰে এই ক্ষেত্ৰত বিশেষ পদক্ষেপ গ্ৰহণ কৰিছে যদিও সকলো দেৱালয় উন্নীতকৰণ কৰাৰ ক্ষেত্ৰত কিছু বাদ পৰা থকাৰ বাবে এই দেৱালয়সমূহ সংৰক্ষিত কৰাৰ বাবে আগবাঢ়ি আহিছে হাজৰিকা পৰিয়াল ।
গ্ৰীণ আছিয়ানা ৱেলফেয়াৰ ছ'চাইটিৰ স্বত্বাধিকাৰী ড০ কল্প কিশোৰ হাজৰিকা আৰু তেখেতৰ পত্নী স্নিগ্ধাজ্যোতি হাজৰিকাৰ ব্যক্তিগত প্ৰচেষ্টাত প্ৰায় ৭ লাখ টকাৰ ব্যয় সাপেক্ষে বাণেশ্বৰ দেৱালয় পুনৰ নিৰ্মাণ কৰা হয় আৰু বুধবাৰে মাংগলিক নিয়মৰ মাজেৰে প্ৰতিষ্ঠা কৰা হয় ।
এই শুভ অনুষ্ঠানত দেৱালয়ৰ ধ্বজা উত্তোলন কৰে বিশ্বনাথৰ জিলা উপায়ুক্ত প্ৰণৱ কুমাৰ শৰ্মাই । দেৱালয় প্ৰতিষ্ঠাৰ অনুষ্ঠানত উপস্থিত থাকে অঞ্চলৰ ভক্ত প্ৰাণ ৰাইজ । এই দেৱালয় পূৰ্বৰে পৰা আছিল যদিও এয়া ভগ্নাৱশেষ হৈ ৰৈছিল । ভক্তই পূজা-অৰ্চনা আগবঢ়াৱ পৰাকৈ এতিয়া শ্ৰী শ্ৰী বাণেশ্বৰ দেৱালয় নিৰ্মাণ কৰি উলিওৱা হৈছে ।
লগতে পঢ়ক:একাপ চাহৰ বাবে ডিমৌত চুৰিকাঘাত
