বিশ্বনাথ,২ ফেব্ৰুৱাৰীঃ শোণিতপুৰ পথ সুৰক্ষা সমিতি আৰু জিলা পৰিবহণ বিষয়াৰ উদ্যোগত অহা ৪ ফেব্ৰুৱাৰীৰ পৰা ১০ ফেব্ৰুৱাৰীলৈ বিশ্বনাথত ৩০তম ৰাষ্ট্ৰীয় পথ সুৰক্ষা সপ্তাহ উদযাপন কৰা হ'ব। শনিবাৰে পুৱা বিশ্বনাথৰ উপায়ুক্তৰ সভাকক্ষত অনুষ্ঠিত এক বৈঠকত এই দিৱস উদযাপনৰ বিভিন্ন দিশসমূহ পৰ্যালোচনা কৰা হয়।
উপায়ুক্ত পৱিত্ৰ ৰাম খাউণ্ড, অতিৰিক্ত উপায়ুক্ত প্ৰদীপ কুমাৰ সূত্ৰধৰ আৰু পাৰভেজ আমিনকে ধৰি জিলা প্ৰশাসনৰ শীৰ্ষ বিষয়াসকল উপস্থিত থকা এই বৈঠকত পৰিবহণ বিভাগ, স্বাস্থ্য বিভাগ, যান-বাহন আৰক্ষী, বিভিন্ন যান-বাহন সংস্থাৰ প্ৰতিনিধি উপস্থিত থাকে।
