বিশ্বনাথ, 14 আগষ্ট : দেশৰ জটিল পৰিস্থিতিৰ মাজতে সমাগত দেশৰ 74 সংখ্যক স্বাধীনতা দিৱস ৷ মহামাৰী কৰ'ণা ভাইৰাছৰ সংক্ৰমণৰ বাবে দেশবাসীয়ে অনুষ্টুপীয়াকৈ পালন কৰিব 74 সংখ্যক স্বাধীনতা দিৱস ৷ স্বাধীনতা দিৱসত যাতে অসমত কোনো ধৰণৰ কুটাঘাতমূলক কাৰ্যকলাপ সংঘটিত হ'ব নোৱাৰে তাৰ বাবে প্ৰশাসনে চোকা দৃষ্টি নিক্ষেপ কৰিছে ৷
74 সংখ্যক স্বাধীনতা দিৱসক লৈ বিশ্বনাথত প্ৰশাসনৰ ব্যাপক তৎপৰতা
বিশ্বনাথ জিলাতো প্ৰশাসনৰ ফালৰ পৰা স্বাধীনতা দিৱসক লৈ ব্যাপক তৎপৰ হোৱা পৰিলক্ষিত হৈছে ৷ জিলাখনত যাতে কোনো ধৰণৰ কুটাঘাতমূলক কাৰ্যকলাপ সংঘটিত নহয় তাৰবাবে জিলা প্ৰশাসনে তন্নতন্নকৈ সকলো ৰে'ল ষ্টেচন,প্ৰতিখন বাহন তথা যাত্ৰীক পৰীক্ষা কৰা পৰিলক্ষিত হৈছে ৷
শুকুৰবাৰে জিলাখনত এটা বিশেষ আৰক্ষী আৰু সেনাবাহিনী দলে তন্নতন্নকৈ সকলো অঞ্চল পৰীক্ষা কৰা পৰিলক্ষিত হৈছে ৷
লগতে পঢ়ক : শিঙৰা নদীৰ বিধ্বংসী বানে উটুৱাই নিলে তিনিজনক
