বিশ্বনাথ, 16 আগষ্টঃ স্বাধীনতা দিৱসৰ লগত সংগতি ৰাখি এইবাৰ বিশ্বনাথ জিলা প্ৰশাসনে বিভিন্ন ক্ষেত্ৰত বিশেষ পাৰদৰ্শিতা প্ৰদৰ্শন কৰা আৰু ক’ভিড-১৯ৰ বিৰুদ্ধে সন্মুখৰ পৰা যুজঁত অৱতীৰ্ণ হোৱা 'ক’ভিড যোদ্ধা' প্ৰমুখ্যে জিলাখনৰ ১৮ গৰাকীকৈ ব্যক্তি, কৰ্মচাৰী, উদ্যমী কৃষকক সম্বৰ্ধনা জ্ঞাপন কৰে ৷
ক’ভিড-১৯ ৰ বাবে এইবেলি জিলা প্ৰশাসনে ঘৰে ঘৰে গৈ সম্বৰ্ধনা জ্ঞাপন কৰা ব্যক্তি সকল হৈছে-
- জিলাখনৰ গহপুৰ মহকুমাৰ পশ্চিম কলাবাৰী উচ্চতৰ মাধ্যমিক বিদ্যালয়ৰ অৱসৰপ্ৰাপ্ত প্ৰতিষ্ঠাপক অধ্যক্ষ থানেশ্বৰ ভুঞা
- গহপুৰৰ ৰজাবাৰী গাঁওৰক্ষী বাহিনীৰ সম্পাদক নাৰায়ণ বৰুৱা
- বালিচাং আদৰ্শ চিকিৎসালয়ৰ আশাকৰ্মী অম্ফু বেইপী
- বিশ্বনাথ চাৰিআলি অসামৰিক চিকিৎসালয়ৰ চাফাই কৰ্মী গোৰখ নাথ বাচফৰ
- এক দুৰ্ভাগ্যজনক ঘটনাত দুই হাত হেৰুৱায়ো সাহসিকতাৰে কৃষি কৰ্মৰ জৰিয়তে জীৱন যুঁজত অৱতীৰ্ণ হোৱা গহপুৰৰ কলাবাৰী কলমৌগুৰি গাৱঁৰ উদ্যমী কৃষক মিন্টু নাওহলীয়া
- পশ্চিম মিজিকাত জৈৱিক কৃষি পদ্ধতিৰে ইতিবাচক বাৰ্তা কঢ়িয়াই অনা কৃষক দিগন্ত বৰা
- গহপুৰ খণ্ড প্ৰাথমিক স্বাস্থ্য কেন্দ্ৰৰ বহুমুখী স্বাস্থ্য কৰ্মী নজৰুল হুছেইন
- বিশ্বনাথ চাৰিআলিৰ খণ্ড প্ৰাথমিক স্বাস্থ্য কেন্দ্ৰৰ লেবৰেটৰী টেকনিচিয়ান বিশ্বপ্ৰিয় দত্ত
- চতিয়াৰ শ'লাল গাঁও অংগনবাড়ী কেন্দ্ৰৰ অংগনবাড়ী কৰ্মী কৃষ্ণা দাস
- বিশ্বনাথৰ নতুন গাঁও পূব অংগনবাড়ী কেন্দ্ৰৰ অংগনবাড়ী কৰ্মী অঞ্জনা দাস
- নপমুৱাৰ গাওঁবুঢ়া ইন্দ্ৰ লমিচানে
- দিৰিং পথাৰ হাইস্কুলৰ বিজ্ঞান শিক্ষক কাজি মইনুল ইচলাম
- চতিয়া জ্ঞান বিকাশ একাডেমীৰ সহকাৰী প্ৰধান শিক্ষক ডঃ পৰাগজ্যোতি হাজৰিকা
- এইবেলি হাইস্কুল শিক্ষান্ত পৰীক্ষাত দশম স্থান লাভ কৰি জিলাখনলৈ গৌৰব কঢ়িয়াই আনিবলৈ সক্ষম হোৱা লিটিল ষ্টাৰ স্কুলৰ ছাত্ৰ মিছবাহুল কৰিম
- বিশ্বনাথৰ জনস্বাস্থ্য কাৰিকৰী বিভাগৰ কণিষ্ঠ অভিযন্তা চৈয়দ হাদিউল ইছলাম,
- বৰগাং শাখাৰ শাখা সহায়ক ৰাজেন হাজৰিকা
- খালাচী কৰ্মচাৰী বিৰেশ্বৰ হাজৰিকা
- অগ্নি আৰু জৰুৰীকালীন সেৱাৰ আস্থান বিষয়া পৱন দেউৰী আৰু সতীৰ্থ কৰ্মচাৰী সকলসম্বৰ্ধনা লোৱাৰ মুহূৰ্তত এগৰাকী সম্বৰ্ধনা প্ৰাপ্ত...
আনহাতে 74 তম স্বাধীনতা দিৱস নাতিদীৰ্ঘ আৰু সীমিত কাৰ্যসূচী ৰূপায়নৰ ক্ষেত্ৰত আগবঢ়োৱা সহায়-সহযোগিতাৰ বাবে জিলাবাসীক উপায়ুক্ত ধ্ৰুৱজ্যোতি দাসে আন্তৰিক ধন্যবাদ জ্ঞাপন কৰে ৷
লগতে পঢ়কঃ অৰ্থনৈতিক অনুসন্ধান বিভাগে জব্দ কৰিলে ২৬ কিল'গ্ৰাম সোণ
