বৰপেটা, ২৮ মে': নিষিদ্ধ ড্ৰাগছৰ বিৰুদ্ধে এটাৰ পিছত আনটো সফল অভিযান আৰক্ষীৰ । প্ৰায় প্ৰতিখন জিলাতে আৰক্ষীয়ে আৰম্ভ কৰিছে ড্ৰাগছ বিৰুদ্ধে অভিযান । এইবাৰ বৰপেটা আৰক্ষীকো এই ক্ষেত্ৰত সষ্টম হোৱা দেখা গৈছে ।
বৃহস্পতিবাৰে নিশা সৰ্থেবাৰী আৰক্ষীৰ জালত পৰে দুটাকৈ ড্ৰাগছ ব্যৱসায়ী । ধৃত ব্যৱসায়ী দুটা ভক্তৰডবাৰ জাকিৰ হুছেইন আৰু জালকৰাৰ ছমেজ আলী বুলি চিনাক্ত কৰা হৈছে । উল্লেখ যে, নিশা বালাপাৰা আৰক্ষী চকীৰ ভাৰপ্ৰাপ্ত আৰক্ষী বিষয়া কনক চন্দ্ৰ শৰ্মাৰ নেতৃত্বত চলা অভিযানত ড্ৰাগছ ব্যৱসায়ৰ লগত জড়িত থকাৰ অভিযোগত দুয়োগৰাকীকে আটক কৰে আৰক্ষীয়ে ।
ইফালে যোৱা মঙলবাৰে সৰ্থেবাৰী আৰক্ষীয়ে কুকাৰপাৰৰ পৰা বৃহৎ পৰিমাণৰ ড্ৰাগছ সহ গ্ৰেপ্তাৰ কৰিছিল চৰিফুদ্দিন আৰু ফৰিদুল আলী নামৰ দুজন লোকক । চৰিফুদ্দিন আৰু ফৰিদুল আলীক আদালতে দুদিনৰ বাবে আৰক্ষীৰ জিম্মালৈ প্ৰেৰণ কৰিছে । দুয়োগৰাকীৰে স্বীকাৰোক্তিৰ ভিত্তিত বৃহস্পতিবাৰে নিশা আৰক্ষীয়ে গ্ৰেপ্তাৰ কৰে জাকিৰ হুছেইন আৰু ছমেজ আলীক ।
শুকুৰবাৰে চাৰিওজনকে আদালতত হাজিৰ কৰোৱা হয় । আৰক্ষীয়ে নিজাববীয়াকৈ ২০৯/২০২১ নম্বৰত আৰু এনডিপিএচ আইনৰ ২১(বি)/২৯ ধাৰাত ধৃত ড্ৰাগছ ব্যৱসায়ীৰ বিৰুদ্ধে গোচৰ ৰুজু কৰা বুলি জানিবলৈ দিয়ে সৰ্থেবাৰী আৰক্ষী থানাৰ ভাৰপ্ৰাপ্ত আৰক্ষী বিষয়া অঞ্জন বড়োৱে ।
লগতে পঢ়ক:ৰূপজ্যোতি কুৰ্মীৰ নিৰাপত্তা সুনিশ্চিত কৰাৰ দাবী গৌৰৱ গগৈৰ
