বৰপেটা,১ নৱেম্বৰ: বৰপেটা সত্ৰৰ বুঢ়াসত্ৰীয়া বশিষ্ঠ দেৱ শৰ্মাৰ আজি আদ্যশ্ৰাদ্ধ ৷ মঙলবাৰে পৰিয়ালৰ লোকে অনুষ্ঠিত কৰে আদ্যশ্ৰাদ্ধ অনুষ্ঠানৰ ৷ বুঢ়াসত্ৰীয়াগৰাকীৰ আদ্যশ্ৰাদ্ধ উপলক্ষে মঙলবাৰে বুঢ়াসত্ৰীয়া বাপজনাৰ কলয়াহাটীস্থিত বাসগৃহত সুন্দৰীদিয়া শংকৰী কলা কৃষ্টি সংঘই অনুষ্ঠিত কৰে শ্ৰদ্ধাঞ্জলি অনুষ্ঠানৰ(Tributes to Basishtha Dev Sarmah) ৷
২২ অক্টোবৰত বৈকুন্ঠ প্ৰয়াণ হোৱা বুঢ়া সত্ৰীয়া বশিষ্ঠ দেৱ শৰ্মাৰ শ্ৰদ্ধাঞ্জলি অনুষ্ঠানত সুন্দৰীদিয়া সত্ৰৰ ডেকা সত্ৰাধিকাৰ নিৰ্মল অধিকাৰী, সাহিত্যিক অক্ষয় কুমাৰ মিশ্ৰ, তৰালী শৰ্মা, বিজেপি নেতা সুভাষ দত্তকে ধৰি বৰপেটাৰ সমাজ জীৱনৰ সৈতে জড়িত বহু বিশিষ্ট লোকে অংশগ্ৰহন কৰে ৷ শ্ৰদ্ধাঞ্জলি অনুষ্ঠানত অংশ লৈ বিভিন্নজনে স্মৰণ কৰে বুঢ়া সত্ৰীয়া বাপজনাৰ জীৱন কৃতি ৷ লগতে ৰোমণ্ঠন কৰে তেঁওৰ সৈতে জড়িত বহু স্মৃতি ৷ আনহাতে বুঢ়া সত্ৰীয়া বাপজনাই আগবঢ়াই যোৱা অবদানসমুহ সংৰক্ষণৰ বাবে অক্ষয় কুমাৰ মিশ্ৰই আহ্বান জনায় ৷
২২ অক্টোবৰত গুৱাহাটী চিকিৎসা মহাবিদ্যালয় হাস্পতালত শেষ নিশ্বাস ত্যাগ কৰিছিল বৰপেটা সত্ৰৰ বুঢ়াসত্ৰীয়া তথা শ্ৰীমন্ত শংকৰদেৱ বঁটা প্ৰাপক বশিষ্ঠদেৱ শৰ্মাই (Basishtha Dev Sharma no more)। জাতি-ধৰ্ম নিৰ্বিশেষে সকলোকে আপোন কৰি লোৱা বুঢ়া সত্ৰীয়াগৰাকীলৈ সকলোৱে অশ্ৰুসিক্ত নয়নেৰে শ্ৰদ্ধাঞ্জলি জ্ঞাপন কৰে ।
লগতে পঢ়ক: DAC election: বৰ্তমানৰ ৰাজনীতিত ৰিপুন বৰাৰ কোনো গুৰুত্ব নাই: পল্লব লোচন দাস
