বৰপেটাৰোড, 7 নৱেম্বৰ : সৰভোগৰ 31 নম্বৰ ৰাষ্ট্ৰীয় ঘাইপথৰ পূৱ চকাবাউসীত শনিবাৰে এক ভয়ংকৰ পথ দুৰ্ঘটনা সংঘটিত হয় ৷ দুৰ্ঘটনাটোত 2 গৰাকী লোক থিতাতে নিহত হোৱাৰ তথ্য আহি পৰিছে ৷ নিহত লোক দুজনৰ নাম সঞ্জীৱ কুমাৰ বিশ্বকৰ্মা আৰু বিভা তালুকদাৰ বুলি জানিব পৰা গৈছে ৷
31 নম্বৰ ৰাষ্ট্ৰীয় ঘাইপথৰ চকাবাউসীত AS-19A-5786 নম্বৰৰ এখন ট্ৰাক পথৰ কাষত ৰৈ থকাৰ সময়তে মাণিকপুৰ দিশৰ পৰা অহা AS-19K-9055 নম্বৰৰ এখন বাহনে ট্ৰাকখনৰ পিছফালে খুন্দা মৰাৰ ফলত দুৰ্ঘটনা সংঘটিত হয় ৷ ইতিমধ্যে, দুয়োগৰাকী লোকৰ মৃতদেহ মৰণোত্তৰ পৰীক্ষাৰ বাবে বৰপেটালৈ প্ৰেৰণ কৰিছে ৷
উল্লেখ্য যে, নিহত বাহনখনৰ চালক সঞ্জীৱ কুমাৰ বিশ্বকৰ্মাৰ ঘৰ বঙাইগাঁৱত আৰু বিভা তালুকদাৰৰ ঘৰ বৰপেটাৰ পাঠশালাত বুলি জানিব পৰা গৈছে ৷
লগতে পঢ়ক : বিডেনে অসৎ উপায় অৱলম্বন কৰি হোৱাইট হাউছ দখলৰ চেষ্টা চলাইছেঃ ট্ৰাম্প
