বৰপেটা, 1 নৱেম্বৰ : বৰপেটা জিলাৰ সৰ্থেবাৰী অঞ্চলত সক্ৰিয় হৈ আছে নাৰী সৰবৰাহকাৰী চক্ৰ । অঞ্চলটোৰ পৰা দুখীয়া পৰিয়ালৰ কিশোৰী, গাভৰু মহিলাক লক্ষ্য কৰি লয় নাৰী সৰবৰাহকাৰী চক্ৰই । একোগৰাকী গাভৰুক ফুচুলাই অপহৰণ কৰি হাৰিয়ানাত বিক্ৰী কৰে লাখ লাখ টকাত । আনকি এগৰাকী গাভৰুক চাৰিবাৰ পৰ্যন্ত বিক্ৰী কৰে এই দুষ্ট চক্ৰই ।
শেহতীয়াকৈ বৰপেটা জিলাৰ মাজদিয়া আৰক্ষীৰ তদন্তত পুনৰ পোহৰলৈ আহিল এই ঘটনা । এবছৰ পূৰ্বেই সৰ্থেবাৰী আৰক্ষী থানাৰ(Sarthebari Police Station) অন্তৰ্গত গৰেমাৰীৰ পৰা ধুবুৰীৰ চহৰ আলী ওৰফে বাবুল আলীয়ে এগৰাকী কিশোৰীক প্ৰেমৰ চলনাৰে অপহৰণ কৰে (Teen girl kidnapped in Barpeta) । পিছত কিশোৰীগৰাকীক বিয়া কৰোৱা বুলি চহৰ আলীয়ে টেলিফোনযোগে পৰিয়ালৰ লোকক জানিবলৈ দিয়ে ।
এবছৰ পিছত আৰক্ষীৰ তদন্তত পোহৰলৈ আহে প্ৰকৃত ঘটনা । চহৰ আলীয়ে কিশোৰীগৰাকীক হাৰিয়ানাত 1 লাখ 20 হাজাৰ লাখ টকাত বিক্ৰী কৰিছিল । এই দুষ্কাৰ্যত জড়িত থকা ধুবুৰীৰ বাবুল আলী ওৰফে চহৰ আলীক গ্ৰেপ্তাৰ কৰি ইতিমধ্যেই জেল হাজোতলৈ প্ৰেৰণ কৰিছে । চহৰ আলীৰ স্বীকাৰোক্তিৰ ভিত্তিত মাজদিয়া আৰক্ষীয়ে হাৰিয়ানাত অভিযান চলাই কিশোৰীগৰাকীক উদ্ধাৰ কৰাৰ লগতে দুজন লোকক আটক কৰে (Girl rescued by Majdia police) ।
আনহাতে কিশোৰীগৰাকীক ক্ৰয় কৰা কাৰ্যত জড়িত ৰাজেশ কুমাৰ আৰু অনিল কুমাৰক হাৰিয়ানাৰ পৰা আটক কৰি আনে মাজদিয়া আৰক্ষীয়ে । হাৰিয়ানাৰ পৰা আটক কৰা লোক দুজনক মঙলবাৰে আৰক্ষীয়ে বৰপেটা আদালতত(Barpeta District Judiciary) হাজিৰ কৰায় ।
উল্লেখ্য যে, মাজদিয়া আৰক্ষী চকীৰ ভাৰপ্ৰাপ্ত আৰক্ষী বিষয়া মৃদুল বৰা, কনিষ্টবল ছিৰাজ আলী আৰু মহিলা আৰক্ষী কনিষ্টবল পখিলা বেগমে নিৰুদ্দিষ্ট কিশোৰীগৰাকীৰ সন্ধানত হাৰিয়ানাত অভিযান চলাইছিল । ইপিনে অপহৃত কিশোৰীগৰাকীকো উদ্ধাৰ কৰে মাজদিয়া আৰক্ষীয়ে ।
লগতে পঢ়ক : Golden Biscuit Seized in Guwahati: গুৱাহাটীত 30 লক্ষাধিক টকা মূল্যৰ সোণৰ বিস্কুট জব্দ
