বৰপেটা,১৫ এপ্ৰিল: বৰপেটাৰ বিশিষ্ট সাহিত্যিক, সাংবাদিক অক্ষয় কুমাৰ মিশ্ৰলৈ আগবঢ়োৱা হৈছে 'তাঁতীকুছি বঁটা' ৷ 'শিক্ষাৰত্ন' আৰু 'কলাগুৰু' বঁটা প্ৰাপক বিশিষ্ট সাহিত্যিক গৰাকীক ২০২১ বৰ্ষৰ 'তাঁতীকুছি বঁটা' প্ৰদানৰ কথা ঘোষণা কৰিছে সামাজিক, সাংস্কৃতিক সংস্থা তাঁতীকুছিয়ে ৷ পহিলা ব'হাগৰ দিনটোতে তাঁতীকুছিৰ একাংশ কৰ্মকৰ্তা সাহিত্যিক গৰাকীৰ ঘৰত উপস্থিত হৈ বিহুৰ সেৱা জনোৱাৰ লগতে বঁটা প্ৰদানৰ কথা ঘোষণা কৰে ৷
উল্লেখ্য যে, সত্ৰনগৰী বৰপেটা বিভিন্ন সময়ত একাধিক নামেৰে পৰিচিত হৈ আহিছে ৷ একালত তাঁতীকুছি হিচাপি পৰিচিত ঐতিহ্যনগৰী বৰপেটাৰ পূৰ্বৰ নাম সুঁৱৰি তাঁতীকুছি নামৰ সামাজিক সাংস্কৃতিক সংস্থাটোৱে প্ৰতিবছৰে বিভিন্নজনক 'তাঁতীকুছি বঁটা' প্ৰদান কৰি আহিছে ৷ ইপিনে পহিলা ব'হাগৰ দিনটোতে বঁটা প্ৰাপ্তিৰ খবৰে আনন্দিত কৰা বুলি মন্তব্য কৰি অসমবাসীৰ মংগল কামনা কৰে অক্ষয় কুমাৰ মিশ্ৰই ৷
লগতে পঢ়ক: চাপৰত পুত্ৰৰ ঘোচাত প্ৰাণ গ'ল বৃদ্ধ পিতৃৰ
