বৰপেটাৰোড,12 আগষ্টঃ দেওবাৰে বৰপেটা জিলাৰ বেলগুৰিস্থিত পল্লা নৈত গা ধুবলৈ গৈ সন্ধানহীন হৈছিল অজয় কুমাৰ চাহু নামৰ ছাত্ৰগৰাকী ৷ বৰপেটাৰোডৰ দ্ৰোণাচাৰ্য একাডেমীৰ বাণিজ্য শাখাৰ পঞ্চম ষান্মাষিকৰ ছাত্ৰ আছিল অজয় কুমাৰ চাহু ৷
পল্লা নৈত উটি যোৱা অজয়ৰ মৃতদেহ উদ্ধাৰ
দেওবাৰে বন্ধুৰ সৈতে পল্লা নৈত গা-ধুবলৈ গৈছিল অজয় কুমাৰ চাহু ৷ নৈত গা-ধুবলৈ যোৱাৰ সময়তে উটি গৈছিল ছাত্ৰগৰাকী ৷ অৱশেষত দুদিনীয়া উদ্ধাৰ অভিযানৰ অন্তত সোমবাৰে উদ্ধাৰ হয় ছাত্ৰগৰাকীৰ মৃতদেহ ৷ নিহত অজয় কুমাৰ চাহুৰ ঘৰ শ্ৰীৰামপুৰত আছিল ৷ স্থানীয় আৰক্ষী তথা পৰিয়ালৰ লোকৰ উপস্থিতিত ছাত্ৰজনৰ মৃতদেহটো মৰণোত্তৰ পৰীক্ষাৰ বাবে প্ৰেৰণ কৰা হয় ৷
