জনীয়া,16 জুন : কলগাছিয়া থানা(Kalgachia Police Station)ৰ অন্তৰ্গত গুনীয়ালগুৰি গাঁৱত মঙলবাৰে সন্ধিয়া সংঘটিত হয় এক ভয়াৱহ পথ দুৰ্ঘটনা । স্থানীয় ৰাইজে সদৰী কৰা মতে, তাপেশ্বৰাৰ পৰা কলগাছিয়ালৈ যোৱা AS 15 Q 9003 নম্বৰৰ এখন গ্লেমাৰ মটৰ চাইকেলে পথ অতিক্ৰম কৰাৰ সময়ত এগৰাকী মহিলা আৰু শিশুক খুন্দা মাৰে । চালকজনে নিয়ন্ত্ৰণ হেৰুওৱাৰ ফলতে এই দুৰ্ঘটনা সংঘটিত হোৱা বুলি জানিব পৰা গৈছে ।
ফলত মটৰ চাইকেল আৰোহী আজিজুৰ ৰহমান, মমতাজ বেগম আৰু ৰাবিয়া খাতুন আহত হয় । আহত লোক কেইগৰাকীক স্থানীয় ৰাইজে বৰপেটা অসামৰিক চিকিৎসালয়(Barpeta Civil Hospital)ত ভৰ্তি কৰে ৷ সম্প্ৰতি মমতাজ বেগম নামৰ মহিলা গৰাকীৰ অৱস্থা সংকটজনক বুলি জানিব পৰা গৈছে ৷
লগতে পঢ়ক: ইটাখোলাৰ ধুবিখোলাত বোমা উদ্ধাৰ
