বৰপেটাত বান ক্ষতিগ্ৰস্তলৈ বিশ্ব হিন্দু পৰিষদৰ সাহায্য

বানত ক্ষতিগ্ৰস্ত সকলৰ সহায়ৰ বাবে আগবাঢ়ি আহিছে বিশ্ব হিন্দু পৰিষদ ৷ বানত আক্ৰান্ত ৰাজ্যখনৰ প্ৰায় সকলোবোৰ জিলাতেই বিশ্ব হিন্দু পৰিষদৰ কৰ্মকৰ্তাই বিতৰণ কৰি আছে সাহায্য সামগ্ৰী ৷ বৰপেটা জিলাতো বিভিন্ন প্ৰান্তৰ আশ্ৰয় শিবিৰসমূহত আশ্ৰয় লৈ থকা বানাক্ৰান্তৰ মাজত সাহায্য সামগ্ৰী বিতৰণ কৰিলে সংগঠনটোৱে ৷

বৰপেটা,২৫ জুলাই: বিশ্ব হিন্দু পৰিষদে হিন্দুজা ফাউণ্ডেশ্যন আৰু মুকুল মাধৱ ফাউণ্ডেশ্যনৰ উদ্যোগত বৰপেটা, পাঠশালা, সৰভোগ, বৰপেটা ৰোড আদিকে ধৰি জিলাখনৰ শতাধিক আশ্ৰয় শিবিৰত খাদ্য সামগ্ৰী বিতৰণ কৰে ৷

বৰপেটাত বান ক্ষতিগ্ৰস্তক বিশ্ব হিন্দু পৰিষদৰ সাহায্য বিতৰণ

খাদ্য সামগ্ৰী বিতৰণ কাৰ্যসূচীত বিশ্ব হিন্দু পৰিষদৰ বৰপেটা জিলা সমিতিৰ সম্পাদক গৌতম দাস, বজৰংগ দলৰ জিলা সংযোজক হিতেশ ৰয়ৰ লগতে কেবাগৰাকীও কাৰ্যকৰ্তা উপস্থিত থাকে ৷

বিশ্ব হিন্দু পৰিষদে বানাক্ৰান্তৰ মাজত খাদ্য সামগ্ৰী বিতৰণ কাৰ্যৰ শলাগ লৈছে জিলাখৰ বান ক্ষতিগ্ৰস্ত ৰাইজে ৷