জনিয়া, 16 জুলাই: ৰাজ্য দহিছে উৎকট গৰমে (Assam is burning with extreme heat)৷ এফালে প্ৰচণ্ড গৰম আৰু আনফালে নিয়মীয়াকৈ বিদ্যুৎ যোগানত ব্যৰ্থ ৰাজ্যৰ শক্তি বিভাগ ৷ ৰাজ্যবাসীক ২৪ ঘণ্টাই বিদ্যুতৰ যোগান ধৰাৰ প্ৰতিশ্ৰুতি দিয়া বিজেপি চৰকাৰে বৰ্তমানলৈ কাৰ্যত পৰিণত কৰিব পৰা নাই নিজৰ প্ৰতিশ্ৰুতি । বিদ্যুৎ বিভাগৰ হেমাহিত অতিষ্ঠ জনসাধাৰণ ৷
উল্লেখ্য যে, বৰপেটা জিলাৰ জনিয়া সমষ্টিৰ অন্তৰ্গত তথা সৰভোগ বিদ্যুত উপ সংমণ্ডলৰ এলেকাধীন বালিকুৰি গাঁওত শুকুৰবাৰে নিশা ৰাইজে সাব্যস্ত কৰে প্ৰতিবাদ ৷ গাওঁখনৰ প্ৰায় অৰ্ধ শতাধিক ৰাইজে শক্তিমন্ত্ৰী বিমল বৰাৰ প্ৰতিমূৰ্তি দাহ কৰি প্ৰতিবাদ সাব্যস্ত কৰা পৰিলক্ষিত হয় (Protest against Power Minister Bimal Bara)।
বালিকুৰি গাৱঁৰ ৰাইজে দীৰ্ঘদিনৰে পৰা ভূগি আহিছে বিদ্যুতৰ সমস্যাত । ২৪ ঘণ্টাত মাত্ৰ ৩/৪ ঘণ্টা বিদ্যুত যোগান ধৰে গাঁওখনত । যাৰ ফলত বিদ্যুত বিভাগৰ এনে লুকাভাকু খেলত অতিষ্ঠ বালিকুৰি গাঁওবাসী৷ নিয়মিত বিদ্যুত যোগান নধৰাৰ ফলত প্ৰচণ্ড গৰমত নাজল-নাথল অৱস্থা হৈছে ৰাইজৰ । লগতে পোহৰৰ অভাৱত ছাত্ৰ-ছাত্ৰীৰ শিক্ষাৰ ক্ষেত্ৰত বিশেষ সমস্যাৰ সৃষ্টি হৈছে । ফলত এই গাঁওখনৰ ৰাইজে অন্ধকাৰত জীৱন-যাপন কৰিব লগা হৈছে ৷
স্থানীয় ৰাইজে নিয়মীয়াকৈ বিদ্যুত বিচাৰি বাৰে বাৰে অনুৰোধ কৰাৰ পিছতো বিদ্যুত বিভাগে কোনো গুৰুত্ব নিদিয়াত উপায়ন্তৰ হৈ আজি স্থানীয় ৰাইজে বিদ্যুতমন্ত্ৰী বিমল বৰাৰ প্ৰতিমূৰ্তি দাহ কৰাৰ লগতে তীব্ৰ প্ৰতিবাদ সাব্যস্ত কৰি পৰিৱেশ উত্তাল কৰি তোলে ।
লগতে পঢ়ক: বিদ্যুৎ মিটাৰ যোগানৰ দাবীত কলগাছিয়াত ৰাইজৰ প্ৰতিবাদ
