জনীয়া, 11 জুন : জনীয়াৰ পৰা বাংলিপাৰা হৈ গৰেমাৰীলৈ যোৱা গড়কাপ্তানি পথৰ জৰাজীৰ্ণ অৱস্থাই জলাকলা খুৱাইছে পথচাৰীক । বিগত দহ বছৰ ধৰি বাংলিপাৰা গাঁৱৰ এই গড়কাপ্তানী পথটোৰ মাজে মাজে সৃষ্টি হোৱা পুখুৰী সদৃশ গাতৰ ফলত যমৰ-যাতনা ভুগিব লগা হৈছে সাধাৰণ ৰাইজে । ইফালে এই পথটোত সঘনাই সংঘটিত হৈ আহিছে দুৰ্ঘটনা । তদুপৰি পথৰ দুৰৱস্থাৰ বাবে অঞ্চলটোলৈ এম্বুলেঞ্চ নাইবা অগ্নি নিৰ্বাপকৰ বাহন অহা যোৱাৰ ক্ষেত্ৰতো অসুবিধাৰ সন্মুখীন হ’বলগীয়া হৈছে ।
বাংলিপাৰা, সালেকুৰা, গৰেমাৰী, ডাউকমাৰী, গলিয়া আদি গাঁৱৰ ৰাইজে যাতায়ত কৰা অতি গুৰুত্বপূৰ্ণ এই পথটো মেৰামতি কৰাৰ ক্ষেত্ৰত বহুবাৰ জনপ্ৰতিনিধিৰ লগতে বিভাগীয় কৰ্তৃপক্ষক অৱগত কৰা হৈছে যদিও কোনো গুৰুত্ব প্ৰদান কৰা নাই ৷ গতিকে অতি সোনকালে এই পথটো মেৰামতি কৰিবৰ বাবে বিভাগীয় কৰ্তৃপক্ষক দাবী ৰাইজে ৷
লগতে পঢ়ক : চিৰদিনলৈ নুমাব নেকি বহৰি সত্ৰৰ ৫৬৮ বছৰীয়া অক্ষয় বন্তি ?
