মানাহ ৰাষ্ট্ৰীয় উদ্যানৰ বন গাহৰিৰ আক্ৰমণঃ এজন আহত

নিজৰ নেমুখেতিত নেমুটেঙা ছিঙিবলৈ গৈ বনৰীয়া গাহৰিৰ আক্ৰমণত গুৰুতৰভাৱে আহত নীলচান্দ বাদশ্বা নামৰ এজন যুৱক ৷

বৰপেটাৰোড,20 এপ্ৰিলঃ মানাহ ৰাষ্ট্ৰীয় উদ্যানৰ বনৰীয়া গাহৰিৰ আক্ৰমণত সোমবাৰে গুৰুতৰভাৱে আহত হয় নীলচান্দ বাদশ্বা নামৰ এজন যুৱক ৷ যুৱকজনৰ ঘৰ এলেঙমাৰীত বুলি জানিব পৰা গৈছে ৷ ঘটনা অনুসৰি,যুৱকজনে ৰাষ্ট্ৰীয় উদ্যানৰ সমীপত নিজৰ নেমুখেতিত নেমুটেঙা ছিঙি থকা অৱস্থাত ৰাষ্ট্ৰীয় উদ্যানখনৰ পৰা ওলাই অহা এটা বনৰীয়া গাহৰিয়ে পিছফালৰ পৰা যুৱকজনক আক্ৰমণ কৰে ৷ ফলত গুৰুতৰভাৱে আহত হয় যুৱকজন ৷ আহত যুৱকজনক ততাতৈয়াকৈ বৰপেটাৰোডৰ চিকিৎসালয়ত ভৰ্তি কৰোৱা হয় ৷ বৰ্তমানে যুৱকজন সংকটমুক্ত বুলি বৰপেটাৰোডৰ চিকিৎসালয়ৰ চিকিৎসকে জানিবলৈ দিছে ৷

লগতে পঢ়কঃ পুনৰ আৰম্ভ ৰহা টোল প্লাজাত কৰ সংগ্ৰহ