গুৱাহাটী, ২ নৱেম্বৰ : ভৱানীপুৰ সমষ্টিত বিপুল ভোটত জয়লাভ কৰিছে বিজেপি প্ৰাৰ্থী ফণীধৰ তালুকদাৰে । বিধায়ক পদ আৰু এআইইউডিএফ দল ত্যাগ কৰি বিজেপিত যোগদান কৰা ফণী তালুকদাৰে ভৱানীপুৰ সমষ্টিৰ পৰা উপ নিৰ্বাচনত বিজেপিৰ হৈ অৱতীৰ্ণ হৈছিল ।
তেওঁ ৬৪,২০০ টা ভোট লাভ কৰি জয়যুক্ত হোৱাৰ বিপৰীতে কংগ্ৰেছৰ প্ৰাৰ্থী শৈলেন্দ্ৰ নাথ দাসে লাভ কৰে ৩৮,৫৫৯ টা ভোট । তেওঁ ২৫,৬৪১ টা ভোটৰ ব্যৱধানত জয়ী হৈছে । তৃতীয় স্থানত এআইইউডিএফৰ প্ৰাৰ্থী জুব্বাৰ আলীয়ে ৬,৩৭৮ টা ভোট লাভ কৰে ।
উল্লেখ্য যে, এআইইউডিএফ দলৰ দখলত থকা সমষ্টিটোত বিজেপিয়ে বিজয়ধ্বজা উৰুওৱাৰ বিপৰীতে এআইইউডিএফ দলে তৃতীয় স্থানত থাকিবলৈ সক্ষম হ'ল । নিকটতম প্ৰতিদ্বন্দ্বী হ'বলৈও সক্ষম নহ'ল এআইইউডিএফ দল ৷
