পাঠশালা,12 ডিচেম্বৰ: অসমীয়াৰ বিৰোধিতাৰ সত্বেও কেন্দ্ৰই অসমত জোৰ-জুলুমকৈ জাপি দিয়া নাগৰিকত্ব সংশোধনী বিধেয়কৰ বিৰুদ্ধে ৰাজ্যৰ জনতাৰ মাজত জ্বলিছে ক্ষোভৰ জুই ৷
পাঠশালাৰ ৰাইজেও আজি ৰাজপথত ওলাই আহি বহিঃ প্ৰকাশ কৰে ক্ষোভৰ ৷
প্ৰতিবাদকাৰীয়ে বন্ধ কৰি ৰখে 31 নং ৰাষ্ট্ৰীয় ঘাইপথ ৷ ৰাজপথত দাউ-দাউকৈ জ্বলে টায়াৰ ৷ যাৰ ফলত ৰাজপথত আবদ্ধ হৈ পৰে শ শ গাড়ী । অৱশ্যে এম্বুলেন্স আৰু জৰুৰীকালীন বাহন সমূহ যাবলৈ দিয়ে ৷
আছু, যুৱ ছাত্ৰ পৰিষদ পৰিষদ , কৃষক মুক্তি সংগ্ৰাম সমিতিৰ লগতে সাধাৰণ ৰাইজেও স্বতঃস্ফূৰ্ত ভাৱে ৰাজপথলৈ আহি সাব্যস্ত কৰে এই প্ৰতিবাদ ৷ যুৱক-যুৱতী-বৃদ্ধ সকলো জাতিৰ হকে ওলাই আহে ৰাজপথলৈ ৷ বিজেপি মুৰ্দাবাদ,মোডী মূৰ্দাবাদ, অমিত শ্বাহ মূৰ্দাবাদ, সৰ্বানন্দ সনোৱাল মূৰ্দাবাদ, হিমন্ত বিশ্ব শৰ্মা মূৰ্দাবাদ ধ্বনিৰে কঁপি উঠে পাঠশালাৰ আকাশ বতাহ ৷
গুৱাহাটীৰ প্ৰতিবেদনঃ
ৰাজ্যত তীব্ৰ ৰূপ ধাৰণ কৰিছে কেব বিৰোধী আন্দোলন। ৰাজ্যজুৰি দল সংগঠন, ছাত্র ছাত্ৰী, সাধাৰণ জনতায়ে নাগৰিকত্ব সংশোধনী বিৰুদ্ধে প্ৰতিবাদ সবাস্ত ৰাখিছে । কেবৰ বিৰুদ্ধে জাগৃত হৈ উঠিছে সাধাৰণ জনতা । 37 নং ৰাষ্ট্ৰীয় ঘাইপথ টায়াৰ জ্বলাই প্ৰতিবাদ কৰাৰ ফলত সম্পূৰ্ণ বন্ধ হৈ পৰিছে 37 নং ৰাষ্ট্ৰীয় ঘাইপথ ।
