জনীয়া, 11 অক্টোবৰ : ‘পাকিস্তানৰ প্ৰতি ইমান মৰম আছে, তেন্তে তেখেত পাকিস্তানলৈ গুচি যাওঁক ৷ আমি ভাৰতীয়, সেয়ে ইয়াতে আছো আমি’- এই মন্তব্য জনীয়াৰ বিধায়ক ড৹ হাফিজ ৰফিকুল ইছলামৰ ৷ দেওবাৰে ৰূপসী উন্নয়ন খণ্ডৰ অধীনষ্ঠ ৫৬ নং বনগুগী গাঁও পঞ্চায়তৰ নৱনিৰ্মিত ভৱনটো উদ্বোধন কৰিবলৈ গৈ মন্ত্ৰী ৰণজিৎ দাসক উভতি ধৰে AIUDF ৰ বিধায়কগৰাকীয়ে ৷
কিছুদিন পূৰ্বে মন্ত্ৰী ৰণজিৎ দাসে AIUDF সন্দৰ্ভত কৰিছিল বিতৰ্কিত মন্তব্য ৷ যাৰ প্ৰত্যুত্তৰস্বৰূপে এই মন্তব্য প্ৰকাশ কৰিছে AIUDF ৰ বিধায়ক ইছলামে ৷ আনকি মুখ্যমন্ত্ৰী ড৹ হিমন্ত বিশ্ব শৰ্মাই মিঞা ভোট নালাগে বুলি কৰা মন্তব্যৰো তীব্ৰ সমালোচনা কৰে বিধায়কগৰাকীয়ে ৷
উল্লেখ্য যে, দেওবাৰে উদ্বোধন কৰা হয় বৰপেটা জিলাৰ জনীয়া সমষ্টিৰ ৰূপসী উন্নয়ন খণ্ডৰ অধীনষ্ঠ ৫৬ নং বনগুগী গাঁও পঞ্চায়তৰ নৱনিৰ্মিত ভৱনটো । প্ৰায় ১৮ লাখ টকা ব্যয় সাপেক্ষে নিৰ্মাণ কৰা হৈছে এই ভৱনটো ৷
লগতে পঢ়ক : ৰামেশ্বৰ তেলীৰ অদ্ভুত মন্তব্যৰ পাছতে দল-সংগঠনৰ প্ৰতিক্ৰিয়া
