বৰপেটা, 5 নৱৱেম্বৰ : বৰপেটাৰ ছাপৰা গাঁৱত সংঘটিত হৈছে এক অঘটন ৷ এক নৃশংস হত্যাকাণ্ডক কেন্দ্ৰ কৰি অঞ্চলটোত বিৰাজ কৰিছে তীব্ৰ চাঞ্চল্যই ৷ প্ৰাপ্ত তথ্য অনুসৰি, বৃহস্পতিবাৰে সন্ধিয়া বজাৰৰ পৰা ঘৰলৈ গৈ থকা অৱস্থাতে কোনো অচিনাক্ত দুৰ্বৃত্তই চুৰিৰে হানি-খুচি হত্যা কৰে এজন লোকক ৷
জানিব পৰা মেত, মৃত লোকজনৰ নাম তাইজুদ্দিন মিঞাঁ ৷ এই ঘটনাক কেন্দ্ৰ কৰি ছাপৰা অঞ্চলত সৃষ্টি হয় এক উত্তপ্ত পৰিস্থিতিৰ ৷ পৰৱৰ্তী সময়ত এই ঘটনা সন্দৰ্ভত অৱগত কৰা হয় বৰপেটা আৰক্ষীক ৷ ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰাৰ লগতে আৰম্ভ কৰে তদন্ত ৷
আনহাতে, বৃহস্পতিবাৰে সন্ধিয়াই আৰক্ষীয়ে মৃতদেহটোৰ মৰণোত্তৰ পৰীক্ষাৰ বাবে প্ৰেৰণ কৰে বৰপেটা মেডিকেল কলেজ হাস্পতালললৈ ৷
ঘটনাৰ বিৱৰণি অনুসৰি, তাইজুদ্দিন মিঞাঁক আক্ৰমণ কৰা দুৰ্বৃত্তই মুখত মাৰি আহিছিল ক’লা ৰঙৰ কাপোৰ ৷ কাৰোৰে সৈতে শত্ৰুতা নথকা 50 উৰ্দ্ধৰ তাইজুদ্দিন মিঞাঁক কোনে কিয় হত্যা কৰিলে সেয়া বৰ্তমানো ৰহস্যৰ আৱৰ্তত ৷ মৃত তাইজুদ্দিন মিঞাঁৰ পৰিয়ালৰ দাবী, শীঘ্ৰে আৰক্ষীয়ে আটক কৰক অপৰাধীক, প্ৰদান কৰক শাস্তি ৷
লগতে পঢ়ক : পত্নীক গুলীয়াই থৈ নগালেণ্ডলৈ পলাই যোৱা চাফিকুৰ পৰিল আৰক্ষীৰ জালত
