জনিয়া,26 মাৰ্চঃ দেশত ক্ৰমাৎ তীব্ৰগতিত বৃদ্ধি পাইছে কৰ’ণাত আক্ৰান্ত লোকৰ সংখ্যা ৷ ইতিমধ্যে লোকসকলক এই ভাইৰাছৰ আক্ৰমণৰ পৰা নিজকে ৰক্ষা কৰিবৰ বাবে মাস্ক পৰিধান কৰাৰ লগতে ছেনিটাইজাৰ ব্যৱহাৰ কৰাৰ পৰামৰ্শ আগবঢ়াই আহিছে চিকিৎসাকৰ্মীসকলে ৷ সম্প্ৰতি বজাৰত উভয়বিধ সামগ্ৰীৰে নাটনি ঘটিছে ৷ কিন্তু ইয়াৰ মাজতেই কলগাছিয়াৰ একাংশ ফাৰ্মাচীয়ে ১০০ মিলিলিটাৰৰ নকল ছেনিটাইজাৰ ১৬০/১৭০ টকাৰ বিপৰীতে একোটাকৈ মাস্ক বিক্ৰী কৰিছে 150 টকাত ৷
মাস্ক আৰু ছেনিটাইজাৰৰ নামত একাংশ ব্যৱসায়ীৰ লুণ্ঠন
উল্লেখ্য যে, যি সময়ত চৰকাৰে ২০০ মিলিলিটাৰৰ ছেনিটাইজাৰ ১০০ টকাত বিক্ৰী কৰাৰ নিৰ্দেশ প্ৰদান কৰিছে সেই সময়তেই এইসমূহ ফাৰ্মাচীৰ কাৰ্যই চিন্তিক কৰি তুলিছে সাধাৰণ ৰাইজক ৷ এইসকল ফাৰ্মাচীৰ বিৰুদ্ধে এতিয়া প্ৰশাসনে কি পদক্ষেপ গ্ৰহণ কৰে সেইয়া পৰৱৰ্তী সময়ত লক্ষণীয় হ’ব ৷
লগতে পঢ়ক-কৰ'ণাৰ আতংক : লক্ ডাউনৰ সমান্তৰালকৈ চলিছে ছেনিটাইজেচন !
