কলগাছিয়াত অবৈধ সুৰাৰ ঘাটি উচ্ছেদ

কলগাছিয়া আৰক্ষী থানাৰ ভাৰপ্ৰাপ্ত বিষয়া দেবানন্দ দাসৰ নেতৃত্বত চলা অভিযানত কলগাছিয়াত জব্দ বৃহৎ পৰিমাণৰ অবৈধ সুৰা ৷ আটক অবৈধ সুৰাৰ ব্য়ৱসায়ী ৷

বৰপেটা, 11 জুন : কৰ'ণা সংহাৰৰ মাজতে ৰাজ্যত অধিক তীব্ৰতৰ হৈ পৰিছে আৰক্ষীৰ ড্ৰাগছ আৰু অবৈধ সুৰা বিৰোধী অভিযান ৷ শেহতীয়াকৈ ৰাজ্যৰ প্ৰতিখন জিলাতে বৃহৎ পৰিমানৰ ড্ৰাগছ, সুৰা আৰু গাঞ্জা জব্দ হোৱা ঘটনাই ৰাজ্যত খলকনি সৃষ্টি কৰি কৰাৰ মাজতে বৰপেটাত জব্দ কৰা হৈছে বৃহৎ পৰিমাণৰ অবৈধ সুৰা ৷

জিলাখনৰ বৃহত্তৰ কলগাছিয়া অঞ্চলত দীৰ্ঘদিনৰ পৰা অবাধে সুৰাৰ ব্যৱসায় চলি থকাত বৃহস্পতিবাৰে কলগাছিয়া আৰক্ষীয়ে অভিযান চলাই কলগাছিয়া সাপ্তাহিক বজাৰৰ পৰা বৃহৎ পৰিমাণৰ অবৈধ সুৰা জব্দ কৰে ৷ লগতে কলগাছিয়া আৰক্ষী থানাৰ ভাৰপ্ৰাপ্ত বিষয়া দেবানন্দ দাসৰ নেতৃত্বত চলা উক্ত অভিযানত খাইৰুল ইছলাম নামৰ এজন সুৰাৰ ব্যৱসায়ীকো আটক কৰে আৰক্ষীয়ে ৷

উল্লেখ্য় যে, কলগাছিয়াত দীৰ্ঘ দিনৰ পৰা চলি থকা অবৈধ মদ, জুৱা, ভাং আদিৰ ব্যৱসায়ৰ ফলত যুৱ সমাজ ধ্বংসৰ পথলৈ গতি কৰিছে বুলি স্থানীয় সচেতন মহলে আশংকা কৰিছে ৷ ফলত শীঘ্ৰে বৃহৎ অভিযান চলাই মদ জুৱাৰ লগত জড়িত থকা ৰাঘবৰালি সমূহক কৰায়ত্ব কৰি সমাজ খনক ৰক্ষা কৰিবলৈ সচেতন ৰাইজে দাবী জনাইছে ৷

লগতে পঢ়কঃ নগাঁৱত জাল নোটৰ ভয়ংকৰ জাল বহিঃৰাজ্যৰ মহিলাৰ