জনীয়া,27 ফেব্ৰুৱাৰী: কলগাছিয়া আৰক্ষী থানাৰ অন্তৰ্গত ৰামপুৰ গাঁৱত সংঘটিত হৈছে এক মাৰপিটৰ ঘটনা । হাত-ভৰি বান্ধি ইটাৰে মৰিয়াই মূৰ ফালিলে এজন লোকৰ ৷ এই ঘটনাই অঞ্চলজুৰি সৃষ্টি কৰিছে তীব্ৰ চাঞ্চল্য ৷
ঘটনা অনুসৰি, একেলগে কাঠৰ ব্যৱসায় কৰা খেল্লি গাঁৱৰ ৰফিকুল ইছলামে ৰামপুৰ গাঁৱৰ জমছেৰ আলীৰ ঘৰত ব্যৱসায় সন্দৰ্ভত আলোচনাৰ বাবে উপস্থিত হৈছিল । এনেতে জমছেৰ আলীৰ পিতৃ ঘৰত উপস্থিত হৈ ৰফিকুল ইছলামক দেখি খঙত হিতাহিত জ্ঞান হেৰুৱাই ৰফিকুলক মাৰিবলৈ পুত্ৰক নিৰ্দেশ দিয়ে । পিতৃৰ নিৰ্দেশত জমছেৰ আৰু পৰিয়ালে ৰফিকুলক বাৰান্দাৰ গ্ৰীলত বান্ধি মুৰত ইটাৰে প্ৰহাৰ কৰে ।
কলগাছিয়াৰ ৰামপুৰত তালিবানী ঘটনা
এই আক্ৰমণত গুৰুতৰভাৱে আহত হয় ৰফিকুল ইছলাম ৷ ঘটনাৰ তথ্য লাভ কৰি বৰভিঠা আৰক্ষী ঘটনাস্থলীত উপস্থিত হৈ ৰফিকুলক উদ্ধাৰ কৰে । সম্প্ৰতি ৰফিকুল সংকটজনক অৱস্থাত বৰভিঠা আদৰ্শ চিকিৎসালয়ত চিকিৎসাধীন হৈ আছে ।
