কলগাছিয়া, 1 ডিচেম্বৰঃ কলগাছিয়াৰ ৰূপাকুচিৰ যুৱক আলমামুনৰ মৃতদেহ ৰহাত উদ্ধাৰ হোৱা ঘটনাই তীব্ৰ চাঞ্চল্যৰ সৃষ্টি কৰিছে অঞ্চলজুৰি ৷ উল্লেখযোগ্য যে, বিগত 28 নৱেম্বৰত ৰূপাকুচি গাঁৱৰ নুৰুল ইছলামৰ পুত্ৰ আল মামুনক দুৰ্বৃত্তই ডিঙি ৰেপি হত্যা কৰি ৰহাৰ জোঙাল বলহু গড়ৰ ৩৭ নং ৰাষ্ট্ৰীয় ঘাইপথৰ দাঁতিত পেলাই থৈ যায় ৷ মহাৰাষ্ট্ৰৰ এটা কোম্পানীত ট্ৰাক চালক হিচাপে কৰ্মৰত আছিল আল মামুন ৷ যুৱকজনে মাল ভৰ্তি ট্ৰাকলৈ মহাৰাষ্ট্ৰৰ পৰা তেজপুৰলৈ যোৱাৰ পথতে পৰিয়ালৰ লগত যোগাযোগ বিছিন্ন হয় ৷ কিছু দিন ধৰি নিৰুদ্দেশ হৈ থকা আল মামুনৰ ট্ৰাকখন আৰক্ষীয়ে জব্দ কৰে ৷
আনহাতে, শনিবাৰে আল মামুনৰ মৃতদেহ উদ্ধাৰৰ খবৰ পাই পৰিয়ালৰ লোকে মৃতদেহটো ঘৰলৈ লৈ আহে ৷ পৰিয়ালৰ লোকে যুৱকজনক কোনো দুৰ্বৃত্তই হত্যা কৰি পেলাই থৈ যোৱাৰ অভিযোগ উত্থাপন কৰে ৷ লগতে হত্যাকাৰীক অতিশীঘ্ৰে গ্ৰেপ্তাৰ কৰি কঠোৰ শাস্তি প্ৰদান কৰিবলৈ দাবী জনায় ৷
আৰু পঢ়ক- জোঙালবলহুত অচিনাক্ত যুৱকৰ মৃতদেহ উদ্ধাৰ
