জনীয়া,৬ জুন: বৰপেটা জিলাৰ কলগাছিয়া আৰক্ষী থানাৰ অন্তৰ্গত মইনবড়ীত এক শোকাৱহ ঘটনা সংঘটিত হয় । শনিবাৰে সন্ধিয়া মইনবড়ী চৰত বজ্ৰপাতৰ ফলত মৃত্যুক আঁকোৱালি লয় এজন যুৱক আৰু কিশোৰে । মৃত্যু হোৱা দুয়োগৰাকী ক্ৰমে মইনবড়ীৰ ধনঞ্জয় ঘোষৰ পুত্ৰ প্ৰসেনজিৎ ঘোষ আৰু আব্দুল খালেকৰ পুত্ৰ আবু বক্বাৰ ছিদ্দিক বুলি জানিব পৰা গৈছে ।
জানিব পৰা মতে, মৃত দুয়োগৰাকীয়ে মইনবড়ী চৰত খেলিবলৈ যায় । খেল চলি থকাৰ সময়তে আৰম্ভ হৈছিল প্ৰবল বৰষুণ ৷ উক্ত বৰষুণৰ মাজতে বজ্ৰ পৰাত থিতাতে মৃত্যুক সাৱটি লয় দুয়োগৰাকীয়ে । মৃত্যুৰ পূৰ্বে দুয়োজনে আশ্ৰয় লৈছিল এখন নাওত ৷ এই ঘটনাৰ ফলত সমগ্ৰ মইনবড়ীত এতিয়া শোকৰ ছাঁ পৰিছে ।
লগতে পঢ়ক: গুৱাহাটী উন্নয়ন বিভাগৰ বিভিন্ন প্ৰকল্প সন্দৰ্ভত মুখ্যমন্ত্রীৰ পৰ্যালোচনা বৈঠক
