জনিয়া,18 জানুৱাৰী : অসমৰ স্বাভিমান ফুলাম গামোচা ডিঙিত লৈ দিল্লীৰ আন্দোলনত অংশগ্ৰহণ কৰিছে কলগাছিয়াৰ একাংশ কৃষকে । কৃষকৰ এই বিদ্ৰোহ অধিক তীব্রতৰ হৈ উঠা পৰিলক্ষিত হৈছে । দিল্লীত দেখিবলৈ পোৱা গৈছে প্ৰতিবাদী কৃষকসকলৰ ডিঙিত ফুলাম গামোচা ।
অসম ৰাজ্যিক কৃষক সভাৰ 7 জনকৈ প্ৰতিনিধি উপস্থিত হৈছে দিল্লীৰ সিংঘু সীমান্তত । কৃষক আন্দোলনক সমৰ্থন জনাবলৈ অসমৰ প্ৰতিনিধি দল উপস্থিত হৈছে ৰাজধানী দিল্লীত । দিল্লীৰ কৃষকক ফুলাম গামোচাৰে সম্বৰ্ধনা জ্ঞাপন কৰে কলগাছিয়াৰ কৃষক নেতা চানমামুদ আহমেদে ৷
বিগত দুমাহ ধৰি কৃষি আইন বাতিলৰ দাবীৰে পঞ্জাৱ আৰু হাৰিয়ানাৰ কৃষকে দিল্লী সীমান্তত বাহৰ পাতি ঘাইপথত আন্দোলন কৰি আছে । এই আইন বাতিল নোহোৱালৈকে পিছুৱাই নহাৰ ইতিমধ্যে হুংকাৰ দিয়ে প্ৰতিবাদী কৃষকসকলে ।
লগতে পঢ়ক : ক্ষতিপূৰণৰ দাবীত পুনৰ প্ৰৱল প্ৰতিবাদত নামিছে বাঘজানৰ ক্ষতিগ্ৰস্ত ৰাইজ
