জনিয়া,21 ফেব্ৰুৱাৰী: কলগাছিয়াৰ খাৰবাল্লী গাঁৱত খৰালিতো অব্যাহত আছে বেকী নদীৰ গৰাখহনীয়া । উচ্ছেদ শতাধিক পৰিয়াল,অনুষ্ঠান- প্ৰতিষ্ঠান । খবৰ ল'বলৈ আহৰি নাই জনপ্ৰতিনিধি তথা জিলা প্ৰশাসনৰ । উল্লেখ্য যে,যোৱা বাৰিষাৰ পিছৰে পৰা কলগাছিয়াৰ খাৰবাল্লী,সুঁতিৰপাথাৰ,কাচুকাটী গাঁৱত ধাৰাবাহিক ভাৱে অব্যাহত থকা বেকী নদীৰ গৰাখহনীয়াৰ কবলত কেইবা শতাধিক পৰিয়ালৰ ঘৰ- দুৱাৰ মাটি ভেটি নদীৰ বুকুত জাহ যোৱাৰ গৈছে ৷ ইয়াৰোপৰি চৰ খাৰবাল্লী প্ৰাথমিক বিদ্যালয়কে ধৰি কেইবাখনো ধৰ্মীয় অনুষ্ঠানৰ লগতে চৰাঞ্চলৰ ৰাইজৰ বাবে বৰ বাৰিষাত আশ্ৰয় লোৱা ওখ ঠাইখিনিয়ো নদীয়ে খহাই নিয়াত দিশহাৰা হৈ পৰিছে গঞা ৰাইজ ।
ইফালে,স্থানীয় প্ৰশাসন তথা জনপ্ৰতিনিধিক ৰাইজে যোগাযোগ কৰাৰ পিছতো তেওঁলোকে ৰাইজৰ দুৰ্দশাৰ কোনো খবৰ নোলোৱাত হতাশ হৈ পৰিছে ৰাইজ। বৰ্তমান চৰকাৰক খহনীয়া প্ৰতিৰোধৰ দাবী কৰিছে আক্ৰান্ত ৰাইজে ৷
লগতে পঢ়ক:আৰ টি আই কৰ্মী দুলাল বৰাৰ বিৰুদ্ধে অপৰাধ শাখাৰ অভিযান
