বৰপেটাত গ্ৰেপ্তাৰ জেহাদী !

উচ্চস্তৰীয় সূত্ৰৰ তথ্যৰ ভিত্তিত ভবানীপুৰ আৰক্ষীয়ে বৰপেটা কাৰাগাড়ী গাঁৱৰ পৰা এজন জেএমবি সদস্য গ্ৰেপ্তাৰ কৰাৰ লগতে আন এজন জেএমবি সদস্যক কয়াকুছি আৰক্ষীয়ে গ্ৰেপ্তাৰ কৰে বৰপেটাৰ পৰা ৷

বৰপেটা,31জুলাই : মঙলবাৰে পুৱতি নিশা আৰক্ষীৰ জালত পৰে দুজনকৈ দুধৰ্ষ জেএমবি সদস্য ৷ উচ্চস্তৰীয় সূত্ৰৰ তথ্যৰ ভিত্তিত ভবানীপুৰ আৰক্ষীয়ে বৰপেটা কাৰাগাড়ী গাঁৱৰ পৰা এজন জেএমবি সদস্য গ্ৰেপ্তাৰ কৰে ৷ আৰক্ষীৰ জালত পৰা জেহাদীজন কাৰাগাড়ী গাঁৱৰ ৰহিচ উদ্দিনৰ জ্যেষ্ঠপুত্ৰ হাফিজুৰ ৰহমান বুলি আৰক্ষীয়ে সদৰী কৰিছে ৷ আৰক্ষীয়ে জনোৱা মতে, হাফিজুৰ ৰহমান নামৰ জেহাদীটোৰ পৰা এটা হস্তনিৰ্মিত পিষ্টলসহ চাৰিজাই সক্ৰিয় গুলি উদ্ধাৰ কৰা হৈছে ৷আনহাতে, সৰুক্ষেত্ৰীৰ কয়াকুছি আৰক্ষী চকীৰ অধীনৰ কয়াকুছি পাম গাঁৱৰ পৰাও এজন জেহাদীক গ্ৰেপ্তাৰ কৰে আৰক্ষীয়ে ৷ কয়াকুছি আৰক্ষীয়ে গ্ৰেপ্তাৰ কৰা জেহাদীটো কয়াকুছি পাম গাৱৰ আনোৱাৰ হুছেইনৰ পুত্ৰ ইয়াকুব আলী ৷

শেহতীয়াভাৱে কয়াকুছিৰ পৰা ছৰিফুল ইছলাম নামৰ আন এটা জেহাদীকো আটক কৰে আৰক্ষীয়ে ৷ একেটা দিনতে বৰপেটা জিলাত তিনিটাকৈ জেএমবি সদস্য আৰক্ষীৰ হাতত গ্ৰেপ্তাৰ হোৱাৰ ঘটনাক লৈ জিলাখনত তীব্ৰ চাঞ্চল্যৰ সৃষ্টি হৈছে ৷ স্বাধীনতা দিৱসৰ পূৰ্বে বৰপেটা আৰক্ষীয়ে জেএমবিৰ সৈতে জড়িত তিনি জেহাদী গ্ৰেপ্তাৰ কৰাৰ পিচতে আৰক্ষী অধীক্ষক ডাঃ ৰবীন কুমাৰে সংবাদমেল সম্বোধন কৰি গ্ৰেপ্তাৰ হোৱা জেহাদীকেইজনে অস্ত্ৰ প্ৰশিক্ষণ লোৱা বুলি প্ৰকাশ কৰে ৷ তেওঁ সদৰী কৰা মতে, ২০১৪ চনতে বাংলাদেশৰ দূধৰ্ষ জেহাদী ছাকিল আহমেদে দিছিল এই তিনি জেহাদীক অস্ত্ৰৰ প্ৰশিক্ষণ ৷ বৰপেটা আৰু নলবাৰীৰ সীমামূৰীয়া কিছু অঞ্চলত বাংলাদেশৰ জেএমবিৰ জেহাদী ছাকিল আহমেদে দিছিল অস্ত্ৰৰ প্ৰশিক্ষণ ৷ বাংলাদেশৰ অস্ত্ৰ প্ৰশিক্ষক ছাকিল আহমেদ নিহত হৈছিল বৰ্ধমানৰ বোমা বিস্ফোৰনত ৷ তিনি জেহাদীক মাৰাথন জেৰা অব্যাহত ৷ ইপিনে আৰক্ষীৰ অভিযান অব্যাহত থাকিব বুলি সদৰী কৰে আৰক্ষী অধীক্ষক গৰাকীয়ে