জনীয়া, 7 নৱেম্বৰ : কলগাছিয়াত এক সংবাদমেলযোগে জনীয়াৰ বিধায়ক ড৹ হাফিজ ৰফিকুল ইছলামৰ প্ৰতিক্ৰিয়া । মন্ত্ৰী ড৹ হিমন্ত বিশ্ব শৰ্মাই বিজেপিক ডুবাবলৈ টুলুঙা মন্তব্য আৰম্ভ কৰা বুলি সংবাদমেলত প্ৰতিক্ৰিয়া ব্যক্ত কৰিছে বিধায়ক ৰফিকুল ইছলামে ।
তেওঁ কয় যে,‘‘মুখ্যমন্ত্ৰী হ’ব নোৱাৰি হতাশাত ভুগিছে হিমন্ত বিশ্ব শৰ্মা । আজিজ খানৰ নাম কোনে কি বুলি ৰাখিব সেইটো ক’বলৈ হিমন্ত বিশ্ব কোন? নাম ৰখাৰ দায়িত্ব নিজৰ মাকৰ । তেওঁ কবলৈ কোন?’’
আজিজ খানৰ নামক লৈ টুলুঙা মন্তব্য কৰা সন্দৰ্ভত বিধায়ক গৰাকীয়ে কয় যে,‘‘কাৰ নাম কি ৰাখিব সেয়া হিমন্ত বিশ্ব শৰ্মাক সুধিহে ৰাখিব নেকি? বিজেপিয়ে হিমন্ত বিশ্ব শৰ্মাক অসমৰ মুখ্যমন্ত্ৰী হিচাপে গ্ৰহণ নকৰাৰ বাবে তেওঁ হতাশাগ্ৰস্ত হৈছে’’ ৷ সংবাদমেলযোগে এইদৰে মন্ত্ৰী ড৹ হিমন্ত বিশ্ব শৰ্মাক কটূ সমালোচনা কৰে বিধায়ক গৰাকীয়ে ৷
লগতে পঢ়ক : বিধায়কৰ কথা মানি বিপাঙত ডিব্ৰুগড়বাসী
