বৰপেটা, ১৮ জুনঃ বৰপেটাৰ হাউলীত আৰক্ষীয়ে অভিযান চলাই জব্দ কৰে বৃহৎ পৰিমাণৰ সুৰা ৷ সুৰা সহ দুজন যুৱককো গ্ৰেপ্তাৰ কৰে আৰক্ষীয়ে ।
সুৰামুক্ত অঞ্চল হিচাপে ঘোষিত সত্ৰনগৰী বৰপেটা চহৰলৈ ব্যৱসায়ৰ উদ্দেশ্যেৰে এখন ইণ্ডিকাত চোৰাংভাৱে কঢ়িয়াই নিয়াৰ সময়তে হাউলী থানাৰ অ'চি পংকজ দাসৰ নেতৃত্বত অভিযান চলাই যুৱক দুজন সহ সুৰাখিনি জব্দ কৰে ।
আৰক্ষীয়ে জনোৱামতে AS-01AX-2515 নম্বৰৰ ইণ্ডিকা গাড়ীখনৰ পৰা জব্দ কৰা হৈছে ১৪ কাৰ্টন দেশত প্ৰস্তুত কৰা বিদেশী সুৰাৰ বটল ৷ আৰক্ষীয়ে সুৰা ব্যৱসায়ী দুই যুৱক ক্ৰমে সঞ্জীত দাস আৰু নয়নমনি দাসক গ্ৰেপ্তাৰ কৰে । ধৃত দুই যুৱকৰ ঘৰ বৰপেটা চহৰৰ গান্ধী নগৰত ৷
জানিব পৰা মতে,হাউলীৰ একাংশ সুৰা ব্যৱসায়ীৰ পৰা নিতৌ অবৈধভাৱে বৰপেটা চহৰলৈ সৰবৰাহ কৰা হয় সুৰা ৷ অভিযোগ অনুসৰি আৰক্ষী আৰু আবকাৰী বিভাগৰ চত্ৰছায়াত সুৰামুক্ত সত্ৰনগৰী বৰপেটাত চলি থকা সুৰা ব্যৱসায়ে বৰপেটাৰ পৰিবেশ বিনষ্ট কৰি তুলিছে যদিও এইক্ষেত্ৰত নীৰৱ হৈ থাকে প্ৰশাসন ৷
