অবৈধভাৱে মজুত থকা 86 টা ছিলিণ্ডাৰ জব্দ যোগান বিভাগৰ

সোণকুছি কলনিৰ জেহেৰুল ইছলাম নামৰ এজন ব্যৱসায়ীয়ে অবৈধভাৱে মজুত কৰি ৰখা ৮৬ টা ঘৰুৱা গেছ চিলিণ্ডাৰ জব্দ কৰে বৰপেটা জিলাৰ যোগান বিভাগে ৷ বৰপেটাৰ জিলাৰ যোগান বিভাগৰ পৰিদৰ্শক অজয় আগৰৱালা, নিতুল শৰ্মা আৰু মনহৰি বায়নৰ নেতৃত্বত এক অভিযান চলাই এই গেছ চিলিণ্ডাৰসমুহ জব্দ কৰে ৷

বৰপেটা ১২ জানুৱাৰী : বৰপেটা জিলাৰ যোগান বিভাগে মঙলবাৰে এক অভিযান চলাই সোণকুছি কলনিৰ পৰা জব্দ কৰে ৮৬ টা ঘৰুৱা গেছ চিলিণ্ডাৰ ৷ যোগান বিভাগৰ এক সূত্ৰই সদৰি কৰা মতে সোণকুছি কলনিৰ জেহেৰুল ইছলাম নামৰ এজন ব্যৱসায়ীয়ে অবৈধভাৱে মজুত কৰি ৰাখিছিল এই গেছ চিলিণ্ডাৰসমূহ ৷

বৰপেটাৰ জিলাৰ যোগান বিভাগৰ পৰিদৰ্শক অজয় আগৰৱালা, নিতুল শৰ্মা আৰু মনহৰি বায়নৰ নেতৃত্বত অভিযান চলাই গেছ চিলিণ্ডাৰসমুহ জব্দ কৰে ৷ যোগান বিষয়াই সদৰি কৰা মতে, একাংশ ব্যৱসায়ীয়ে ঘৰুৱা চিলিণ্ডাৰসমুহ সংগ্ৰহ কৰি ব্যৱসায়িক কামত ব্যৱহাৰ কৰি আহিছে ৷ ঘৰুৱা চিলিণ্ডাৰৰ এনে অবৈধ ব্যৱহাৰৰ বিৰুদ্ধে যোগান বিভাগে চলোৱা অভিযানত সোণকুছিৰ জেহেৰুল ইছলামৰ দোকানত অবৈধভাৱে মজুত কৰি ৰখা এই ঘৰুৱা গেছ চিলিণ্ডাৰসমূহ জব্দ হয় বুলি জানিবলৈ দিয়ে বিষয়াজনে ৷

লগতে পঢ়ক : বহু প্ৰতীক্ষাৰ অন্তত অসম পালে মহামাৰীৰ ভেকচিন